8 years ago
June 30, 2016
काठमाडौं, असार १६ गते ।
इनोभेटिभले मोर्गन कप १२ औं महिला तथा १३ औं पुरुष राष्ट्रिय क्लबस्तरीय बास्केटबल प्रतियोगिताको पुरुषतर्फ बिहीबार लगातार दोश्रो जित हात पारेको छ ।
त्रिपुरेश्वरस्थित राष्ट्रिय खेलकुद परिषद्को कभर्डहल इनोभेटिभले बाबालाई ८०–७४ ले पराजित गर्यो । इनोभेटिभको जितमा अजय मानन्धरले २० अंक योगदान गरे ।
इनोभेटिभ पहिलो क्वाटरमा १७–२५ ले पछि पर्यो । दोश्रोमा २२–१९ र तेश्रोमा २७–१३ को अग्रता बनाउदै इनोभेटिभले जितको आधार खडा गरेको थियो । बाबाले चौथोमा इनोभेटिभलाई १७–१४ ले पछि पारेपनि जित हात पार्न सकेन । पुरुषको अर्को खेलमा साउथ साइडर्सले जेभियर इन्टरनेसनललाई ७४–४८ ले हरायो । साउथ साइडर्सका विजय बुर्जाले १५ स्कोर गरे । अन्तिमसम्म अग्रतालाई कायमै राखेको साउथ साइडर्सले जेभियर विरुद्ध ११–९, १९–१६, २४–७ र २०–१६ अंक जोड्यो ।
नेपाल बास्केटबल संघद्वारा आयोजित प्रतियोगिताको महिलातर्फ प्राइम र ह्वाइटहाउसले सफलता पाए । प्राइमले मोफसलको टोली रुपन्देहीमाथि ६१–८ को सहज जित दर्ता गर्यो । प्राइमकी स्नेहा श्रेष्ठले १८ अंक जोडिन् । अनुषा मल्लको १६ अंक सहयोगमा ह्वाइटहाउसले मोर्गनलाई ५६–२७ ले निराश पार्यो ।
June 10, 2024
सिड्नी (हाम्रो खेलकुद) – छन्त्याल परिवार अस्ट्रेलिया (सिपिए) र ढोरपाटन क्लब अस्ट्रेलियाले मोना एकदिने पुरुष तथा महिला भलिबलको उपाधि जितेका छन् । छन्त्याल पुरुषमा तथा ढोरपाटन महिलामा च्याम्पियन बनेका हुन् । छन्त्याल परिवारले आयोजक म्याग्दी प्रवासी नेपाली संघ (मोना) अस्ट्रेलियालाई ३–२ को सेटमा पराजित गर्दै उपाधि जित्न सफल भएको हो । ओबर्न बास्केटबल सेन्टर लिडकममा […]
May 9, 2024
काठमाडौं (हाम्रो खेलकुद)– नेपाल बास्केटबल संघले बोर्डर सिङफु भिलेज स्पोर्ट्स कार्निभलअन्तर्गत पुरुष थ्री बाइ थ्री बास्केटबलको उपाधि विजेता नेपाली पुरुष टोलीलाई बिहीबार नगदसहित सम्मान गरेको छ । चीनको युनानमा बैशाख १२ देखि १८ गतेसम्म भएको प्रतियोगितामा सहभागी ४ खेलाडी र १ प्रशिक्षकसहित ५ जना सम्मानित भएका हुन् । सम्मानित हने खेलाडीमा विजय बुर्जा (कप्तान), निकेश […]
May 5, 2024
काभ्रे (हाम्रो खेलकुद) – काभ्रे बास्केटबल संघको आयोजनामा अर्को महिना प्रथम अल नेपाल काभ्रे थ्री बाइ थ्री बास्केटबल हुने भएको छ । प्रतियोगितामा महिला र पुरुषतर्फको प्रतिस्पर्धा हुने काभ्रे बास्केटबल संघले जनाएको छ । काठमाडौं विश्वविद्यालयको बास्केटबल कोर्टमा जेठ २६ गते हुने प्रतियोगिताको दुवैतर्फको विजेताले २५ हजार र दोस्रो टोलीले १५ हजार रुपैयाँ प्राप्त गर्नेछन् […]
