10 years ago
September 1, 2015
लिभरपुल कलेजले एनसेल यु–१८ अन्तरकलेज बास्केटबल प्रतियोगितामा मंगलबार विजयी सुरुआत गरेको छ ।
एनसेल यु–१८ अन्तरकलेज बास्केटबल प्रतियोगिता
लगनखेलस्थित आर्मी शारीरिक तालिम तथा खेलकुद केन्द्रमा भएको उद्घाटन खेलमा लिभरपुलले ट्रिनिटी इन्टरनेसनल कलेजलाई ४६–३७ ले पराजित गर्यो । विजयी टिमका लागि आशिष बस्नेतले १८ अंक जोडे ।
पहिलो क्वाटरमा ६–१३ ले पछि पारेको लिभरपुलले त्यसपछिको खेलमा अग्रता कायम गर्दै जित हात पार्यो । लिभरपुल दोश्रोमा १५–९, तेश्रोमा १०–९ र चौथोमा १५–६ अंक जोड्यो ।
नेपाल बास्केटबल संघको प्राविधिक सहयोगमा एनसेलद्वारा आयोजित प्रतियोगितामा मोर्गन र प्राइमले पनि जित हात पारे ।
मोर्गनले जेम्सलाई ६८–३३ ले हरायो । मोर्गनको जितमा डेन्जु गुरुङले १३ अंक जोडे ।
मोर्गन चारै क्वाटरमा हावी रह्यो । पहिलोमा २०–१० को अग्रता बनाएको मोर्गनले अन्तिमसम्म अग्रतालाई कायम राख्दै दोश्रोमा १६–९, तेश्रोमा १५–६ र चौथोमा १७–८ स्कोर गर्यो ।
प्राइमले डिएभी कलेजलाई ६३–१० को फराकिलो अन्तरले पन्छायो । प्राइमका निश्चल महर्जनले १२ अंक जोडे । प्राइमले पहिलोमा २०–२, दोश्रोमा ११–२, तेश्रोमा १५–० र चौथोमा १७–६ को प्रदर्शन गर्यो ।
प्रतियोगिताको नेपाल बास्केटबल संघका वरिष्ठ उपाध्यक्ष नरेन्द्र थापाले उद्घाटन गरे । प्रतियोगितामा विभिन्न कलेजका १६ ब्वाइज टिम सहभागी छन् ।
विजेताले १ लाख, उपविजेताले ७५ हजार र तेश्रो हुनेले ५० हजार नगद पुरस्कार हात पार्नेछन् । फाइनल भदौ २६ गते हुनेछ ।
March 18, 2025
काठमाडौं(हाम्रो खेलकुद)- जावलाखेल ह्विलचियर स्पोर्ट्स क्लब (जेडब्युएससी) महिलातर्फ र त्रिभुवन आर्मी क्लबले पुरुषतर्फ अन्तर उपत्यका क्लबस्तरीय ह्विलचियर बास्केटबल प्रतियोगिताको उपाधि जितेको छ। नेपाल स्पाइनल कर्ड इन्जरी खेलकुद संघ (एनएससिआइएसए) को आयोजना र युवा तथा खेलकुद मन्त्रालय, बागमती प्रदेशको सहयोगमा त्रिपुरेश्वरस्थित राष्ट्रिय खेलकुद परिषद् (राखेप) कभर्डहलमा आज सकिएको प्रतियोगिताका विजेता दुवै टोलीले ५० हजार रुपैयाँ प्राप्त […]
March 17, 2025
काठमाडौं (हाम्रो खेलकुद)- नेपाल स्पाइनल कर्ड इन्जरी खेलकुद संघ (एनएससिआइए) को आयोजनामा जारी उपत्यका क्लबस्तरीय ह्विलचियर बास्केटबल प्रतियोगिताको सेमिफाइनल समीकरण पूरा भएको छ। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा सोमवार सुरु भएको प्रतियोगितामा पहिलो दिन समूह चरणका सबै खेल सकिएका छन् । महिला र पुरुष दुवैतर्फबाट अन्तिम चारमा पुग्ने टोलीको टुंगो लागेको हो। पुरुषतर्फ […]
March 15, 2025
काठमाडौं (हाम्रो खेलकुद)- नेपाल स्पाइनल कर्ड इन्ज्युरी खेलकुद संघ (एनएससिआइए) को आयोजनामा अन्तर उपत्यका क्लबस्तरीय ह्विलचियर बास्केटबल प्रतियोगितामा सोमवार सुरु हुने भएको छ। प्रतियोगिता त्रिपुरेश्वरस्थित राष्ट्रिय खेलकुद परिषद् (राखेप) कभर्ड हलमा चैत ४ र ५ गते प्रतियोगिता हुने संघले गोकर्णेश्वर नगरपालिका ६, नारायणटारमा शनिवार पत्रकार सम्मेलन गर्दै जानकारी दिएको छ। प्रतियोगितामा पुरुषतर्फ ७ र महिलातर्फ […]
