6 years ago
April 27, 2019
काठमाडौं (हाम्रो खेलकुद) – त्रिभुवन आर्मी क्लब र टाइम्स इन्टरनेशनल कलेजले क्विक्स नेपाल बास्केटबल लिगको पहिलो दिनको खेलमा जित दर्ता गरेका छन् ।
बत्तीसपुतलीस्थित गोल्डेन गेट कलेजको कोर्टमा भएको पहिलो खेलमा आर्मीले गोल्डेन गेटलाई १०४-६९ ले पराजित गर्यो । रामकृष्ण घोतानेले १७ अंक जोडेपछि आर्मीले सहज जित दर्ता गरेको थियो । खेलको पहिलो क्वाटरमा २६-१४ ले अगाडी बढेको आर्मीले दोस्रो र तेस्रो क्वाटरमा पनि आफ्नो ले जारी राखेको थियो । दोस्रो क्वाटर २६-१७ ले अगाडी रहेको आर्मी तेस्रोमा २५-१४ ले अग्रता लिन सफल रहयो । अन्तिम क्वाटरमा गोल्डेन गेटले कडा चुनौती प्रस्तुत गरेपनि आर्मीले जित दर्ता गर्न सफल रहयो ।
दोस्रो खेलमा टाइम्स कलेजले चारखालस्थित आफ्नो कोर्टमा कप्तान सदिश प्रधानको उत्कृष्ट प्रदर्शनमा विभागीय टोली नेपाल पुलिस क्लबलाई ९६-६१ ले पराजित गर्यो । सदिशले ४२ अंक जोडेपछि पुलिसले पहिलो खेलमा नै पराजय बेहोर्यो । पहिलो सेटमा १८-१३ ले अगाडी रहेको टाइम्सले दोस्रो सेटको समाप्तिमा आफ्नो अग्रतालाई ४४-२५ मा पुर्यायो । तेसोर र चौथो सेटमा पनि सोहि लय कायम राख्दै टाइम्सले सहज जित दर्ता गर्यो ।
प्रतियोगिताअन्तर्गत आइतबार पहिलो खेलमा गोल्फुटारस्थित कोर्टमा बुढानिलकण्ठ नगरपालिका र एएनके कीर्तिपुर खेल्नेछन् । दोस्रो खेलमा साउथसाइडर्सले माइतीघरस्थित घरेलु कोर्टमा द रोयल बास्केटबल क्लबलाई चुनौती दिनेछ ।
February 13, 2025
काठमाडौं (हाम्रो खेलकुद)- टाइम्स ‘ए’ ले अन्तर्राष्ट्रिय थ्रीबाई थ्री एनबिसी नेपाल बास्केटबल च्याम्पियनसिपको उपाधि जितेको छ। बुधबार राति भएको फाइनलमा राइभल पाकिस्तानलाई २१–१७ ले हराउँदै टाइम्स ‘ए’ लगातार दोस्रो पटक च्याम्पियन बनेको हो। त्रिपुरेश्वरस्थित राष्ट्रिय खेलकुद परिषद्को कभर्ड हलमा भएको खेलमा टाइम्सलाई जित दिलाउन सदीश प्रधानको प्रदर्शन उत्कृष्ट रहयो। यसअघि बुधबार नै भएको पहिलो सेमिफाइनलमा […]
December 7, 2024
काठमाडौं (हाम्रो खेलकुद)- ह्विलचेयर स्पोर्ट्स एसोसिएसन (डब्ल्युएसए) महिला ह्विलचेयर बास्केटबल प्रतियोगिताको उपाधि जितेको छ। ३३औं अन्तर्राष्ट्रिय अपांग दिवसकाे अवसरमा नेपाल स्पाइनल कर्ड इन्जुरी खेलकुद संघ र राष्ट्रिय अपांग महासंघ नेपालको आयोजनामा शनिवार मध्य बानेश्वरस्थित ग्लोबल कलेजकाे कोर्टमा भएको फाइनलमा डब्ल्युएसएले जावलाखेल ह्विलचेयर स्पोट्र्स क्लबलाई २०-१२ को स्कोरे हराउँदै पहिलो भएको हो। विजेता डब्ल्युएसएकी ज्योती अर्याल […]
June 10, 2024
सिड्नी (हाम्रो खेलकुद) – छन्त्याल परिवार अस्ट्रेलिया (सिपिए) र ढोरपाटन क्लब अस्ट्रेलियाले मोना एकदिने पुरुष तथा महिला भलिबलको उपाधि जितेका छन् । छन्त्याल पुरुषमा तथा ढोरपाटन महिलामा च्याम्पियन बनेका हुन् । छन्त्याल परिवारले आयोजक म्याग्दी प्रवासी नेपाली संघ (मोना) अस्ट्रेलियालाई ३–२ को सेटमा पराजित गर्दै उपाधि जित्न सफल भएको हो । ओबर्न बास्केटबल सेन्टर लिडकममा […]
