6 years ago
March 24, 2019
काठमाडौं (हाम्रो खेलकुद)– टाइम्स इन्टरनेशनल कलेजले प्रथम ह्वाइट हाउस इन्टर कलेज यु–१८ बास्केटबल प्रतियोगिताको उपाधि जितेको छ ।
आइतबार भएको फाइनल खेलमा टाइम्सले जेभियर स्कुलमाथि ६८–३८ को फराकिलो जित निकाल्दै उपाधि जित्न सफल भएको हो । फाइनल खेलको कुनै पनि पनि क्वाटरमा जेभियरले अग्रता लिन सकेन ।
एकपक्षीय बनेको फाइनल खेलको पहिलो क्वाटरमा टाइम्स १९–९ ले अघि बढ्यो । दोस्रो क्वाटरमा टाइम्सले १६–१४ को अग्रता बनायो । तेस्रो क्वाटरमा २६–११ ले अघि बढेको टाइम्सले चौथो क्वाटरमा ७–४ को अग्रता लिदै उपाधि जित्न सफल भयो । टाइम्सको फराकिलो जितमा जसमान तामाङले सर्वाधिक २० अंकको योगदान दिए ।
टाइम्सका जसमान तामाङ प्रतियोगिताको मोस्ट भ्यलुएवल खेलाडी घोषित भए । जेभियरका सुनिल थापा सर्वाधिक स्कोरर भए । कुल ८ टिमको सहभागिता रहेको लिग कम नकआउट प्रतियोगितामा राजधानीका ८ कलेजहरुले सहभागिता जनाएको थियो । प्रतियोगिताका सबै खेलहरु ह्वाइट हाउस वल्र्ड स्कुल कोटेश्वरको बास्केटबल कोर्टमा हुनेछन् ।
June 10, 2024
सिड्नी (हाम्रो खेलकुद) – छन्त्याल परिवार अस्ट्रेलिया (सिपिए) र ढोरपाटन क्लब अस्ट्रेलियाले मोना एकदिने पुरुष तथा महिला भलिबलको उपाधि जितेका छन् । छन्त्याल पुरुषमा तथा ढोरपाटन महिलामा च्याम्पियन बनेका हुन् । छन्त्याल परिवारले आयोजक म्याग्दी प्रवासी नेपाली संघ (मोना) अस्ट्रेलियालाई ३–२ को सेटमा पराजित गर्दै उपाधि जित्न सफल भएको हो । ओबर्न बास्केटबल सेन्टर लिडकममा […]
May 9, 2024
काठमाडौं (हाम्रो खेलकुद)– नेपाल बास्केटबल संघले बोर्डर सिङफु भिलेज स्पोर्ट्स कार्निभलअन्तर्गत पुरुष थ्री बाइ थ्री बास्केटबलको उपाधि विजेता नेपाली पुरुष टोलीलाई बिहीबार नगदसहित सम्मान गरेको छ । चीनको युनानमा बैशाख १२ देखि १८ गतेसम्म भएको प्रतियोगितामा सहभागी ४ खेलाडी र १ प्रशिक्षकसहित ५ जना सम्मानित भएका हुन् । सम्मानित हने खेलाडीमा विजय बुर्जा (कप्तान), निकेश […]
May 5, 2024
काभ्रे (हाम्रो खेलकुद) – काभ्रे बास्केटबल संघको आयोजनामा अर्को महिना प्रथम अल नेपाल काभ्रे थ्री बाइ थ्री बास्केटबल हुने भएको छ । प्रतियोगितामा महिला र पुरुषतर्फको प्रतिस्पर्धा हुने काभ्रे बास्केटबल संघले जनाएको छ । काठमाडौं विश्वविद्यालयको बास्केटबल कोर्टमा जेठ २६ गते हुने प्रतियोगिताको दुवैतर्फको विजेताले २५ हजार र दोस्रो टोलीले १५ हजार रुपैयाँ प्राप्त गर्नेछन् […]
