तेश्रो जेभियर कप यु–१९ बास्केटबल- प्राइमको जित

प्राइम कलेजले तेश्रो जेभियर इन्टरनेश्नल कप यु–१९ महिला तथा पुरुष बास्केटबल प्रतियोगितामा शुक्रवार जित निकालेको छ । पुरुष यु–१९ को खेलमा प्राइमले एड्भान्समाथी ६३–३६ को सहज जित निकालेको हो ।

प्राईमका खेलाडी एड्भान्स बिरुद्ध

बिेजयी टिमका लागि निश्चल महर्जनले १८ स्कोर गरे । पुरुषतर्फ यु–१९ को अन्य खेलमा ह्वाइटहाउस,मल्पी र रिलायन्सले सफलता हात पारेका छन् । ह्वाइटहाउसले आयोजक जेभियर बीलाई ६३–४७ ले हराउदा सुमित राईले २३ स्कोर गरेका थिए । मल्पीले ज्ञाननिकेतनलाई ४७–४५ ले हराउदा साङे शेर्पाले १५ स्कोर गरेका थिए । त्यस्तै रिलायन्सले एलआरआईलाई ५२–५० ले हराउदा म्युनेश महर्जनले १९स्कोर गरेका थिए । यु–१९ महिलातर्फको खेलमा साईपलले आयोजक जेभियरमाथी ४०–३६ को कठिन जित निकाल्यो । निधारित समयको खेल बराबरी भए पछि थप गरिएको पाचौ क्वाटरमा साईपलले सफलता निकाल्यो। बिजयी टिमका लागि उपमा पोखरेलले १५ स्कोर गरेकी थिईन् ।