पोखरा(हाम्रो खेलकुद)– अपांग खेलकुद समिति कास्की र स्वावलम्वन जीवन पद्धती केन्द्रको संयुक्त आयोजनामा पोखरामा यहि साता छैटौ गोर्खा ज्वलेरी राष्ट्रिय ह्विल चियर बास्केटबल प्रतियोगिता हुने भएको छ । पोखरा रंगशालाको बास्केटबल कोर्टमा मंगलबार र बुधबार हुने उक्त प्रतियोगितामा ६ टोलीको सहभागिता रहन अपागं खेलकुद समितिका अध्यक्ष भरत विक्रम बानियाँले जानकारी दिए ।

प्रतियोगितामा विभागिय टिम त्रिभुवन आर्मी, जावलाखेल ह्विल चियर स्र्पोट्स क्लब, स्पाइनल कर्ड इन्जुरी स्र्पोट्स एशोसियसन, ह्विल चियर स्र्पोट्स एशोसियसन, नेपालगञ्ज ह्विल चियर खेलकुद संघ र आयोजकको एक टोलीले प्रतिस्पर्धा गर्ने आयोजक स्वावलम्वन जीवन पद्धती केन्द्रका अध्यक्ष हेम गुरुङले बताए ।

गोर्खा एण्ड बराह ज्वेलरी एण्डष्ट्रिजको मुख्य प्रायोजनमा हुने उ्रक्त प्रतियोगिताको विजेता टोलीले ४०, दोस्रो हुनेले २५ र तेस्रो हुने टोलीले १५ हजार रुपैयँ प्राप्त गर्नेछ । लिगका आधारमा हुने उक्त प्रतियोगितामा आयोजक पोखराका खेलाडीलाई कटवाल हेल्प नेटवर्क काठमाण्डौले जर्सी प्रदान गरेको छ । प्रतियोगिताको सह प्रायोजन पोखरा लेखनाथ महानगरपालिका ले गर्ने भएको आयोजकले जनाएको छ ।

मुख्य प्रायोजक संस्था गोर्खा एण्ड बराह ज्वेलरी एण्डष्ट्रिजका प्रबन्धक सुनिल गुरुङले संस्थाले समाजको हित र उत्थानका लागि कम्पनीले स्थापनाकाल देखि सहयोग गर्दै आएको बताए । स्वावलम्वनका अध्यक्ष गुरुङले पोखरा रंगशालामा निर्माण भएका पूर्वाधारहरु अपागंमैत्री हुन नसकेकोमा गुनासो गरे ।

उनले सांग व्यक्ती सरह अपांगहरुले पनि खेल्न सक्छन् भन्ने सन्देश दिन प्रतियोगिता आयोजना गरिएको बताए । प्रतियोगिताका लागि झन्डै १५ लाख रुपैयाँ खर्च लाग्ने अनुमान गरिएको अपागं खेलकुदका अध्यक्ष बानियाँले बताए । प्रतियोगिताको सफलताका मंगबार गते पोखरा चिप्लेढुङ्गा बाट ¥याली समेत निकालिने बताइएको छ ।