7 years ago
March 7, 2018
काठमाडौं (हाम्रो खेलकुद) – जेभियर कलेजले राजधानीमा जारी ‘होम एण्ड अवे’ क्वीक्स बास्केटबल लिगमा पहिलो जित दर्ता गरेको छ ।
लिग अन्र्तगत बुधबार भएको खेलमा जेभियर कलेजले टिम बुढानिलकण्ठ नगरपालिकालाई ८२–७३ को अन्तरमा पराजित गर्दै आठ खेलपछि लिगमा पहिलो जित दर्ता गर्न सफल भएको हो । बुढानिलकण्ठको घरेलु मैदानमा भएको खेलमा जेभियरले पहिलो क्वार्टरमा १३–१२ को झिनो अग्रता बनाएको थियो । दोस्रो क्वार्टरमा पनि २०–१९ को झिनो अग्रता लिएको जेभियरले तेस्रो क्वार्टरमा भने २७–१६ को अग्रता बनायो । चौथो क्वार्टर २६–२२ ले गुमाएपनि तेस्रो क्वार्टरमा बनाएको अग्रता नै जेभियरको जितमा पर्याप्त बन्यो । जेभियरका अजय कुशवाले सर्वाधिक २१ अंकको योगदान दिए ।
बुधबारै भएको अर्काे हिमालयन हन्डस्ले साउथ साइडर्समाथि ६५–५९ को जित निकाल्न सफल भयो । हिमालयनका सौरभ श्रेष्ठले सर्वाधिक ३१ अंकको योगदान दिए । जितसँगै हिमालयन पाँचौ स्थानमा उक्लिएको छ । लिगमा अपराजित रहेको आर्मी २१ अंकसहित शीर्षस्थानमा छ । १५ अंक जोडेको बिएमके दोस्रो, समान १२ अंक जोडेका गोल्डेनगेट तेस्रो तथा कीर्तिपुर चौथो स्थानमा छ । लिग अन्र्तगत बिहिबार कीर्तिपुर बास्केटबल टिम र गोल्डेनगेट कलेजबीच खेल हुनेछ ।
March 29, 2025
काठमाडौं (हाम्रो खेलकुद)- राष्ट्रिय बास्केटबल च्याम्पियनसिपको विजेता टाइम्स बास्केटबल क्लबले साबा क्लब च्याम्पियनसिपमा प्रतिस्पर्धा गर्ने भएको छ। भारतको मद्रास स्थित जबहारलाल नेहरु इन्डोर स्टेडियम २१ देखि २५ गते सन्चालन हुनेछ । दक्षिण एसियाली राष्ट्रका नेपालसहित आयोजक , पाकिस्तान, श्रीलंका, माल्दिभ्स, पाकिस्तान र भुटानका लिग च्याम्पियन टोलीको सहभागिता रहनेछ। साबा क्लब च्याम्पियनसिप पहिलो पटक आयोजना हुन […]
March 18, 2025
काठमाडौं(हाम्रो खेलकुद)- जावलाखेल ह्विलचियर स्पोर्ट्स क्लब (जेडब्युएससी) महिलातर्फ र त्रिभुवन आर्मी क्लबले पुरुषतर्फ अन्तर उपत्यका क्लबस्तरीय ह्विलचियर बास्केटबल प्रतियोगिताको उपाधि जितेको छ। नेपाल स्पाइनल कर्ड इन्जरी खेलकुद संघ (एनएससिआइएसए) को आयोजना र युवा तथा खेलकुद मन्त्रालय, बागमती प्रदेशको सहयोगमा त्रिपुरेश्वरस्थित राष्ट्रिय खेलकुद परिषद् (राखेप) कभर्डहलमा आज सकिएको प्रतियोगिताका विजेता दुवै टोलीले ५० हजार रुपैयाँ प्राप्त […]
March 17, 2025
काठमाडौं (हाम्रो खेलकुद)- नेपाल स्पाइनल कर्ड इन्जरी खेलकुद संघ (एनएससिआइए) को आयोजनामा जारी उपत्यका क्लबस्तरीय ह्विलचियर बास्केटबल प्रतियोगिताको सेमिफाइनल समीकरण पूरा भएको छ। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा सोमवार सुरु भएको प्रतियोगितामा पहिलो दिन समूह चरणका सबै खेल सकिएका छन् । महिला र पुरुष दुवैतर्फबाट अन्तिम चारमा पुग्ने टोलीको टुंगो लागेको हो। पुरुषतर्फ […]
