7 years ago
March 6, 2018
काठमाडौं (हाम्रो खेलकुद) – विभागीय त्रिभुवन आर्मी क्लब र गोल्डेनगेट कलेजले राजधानीमा जारी ‘होम एण्ड अवे’ क्वीक्स बास्केटबल लिगमा फराकिलो जित निकालेका छन् ।
लिग अन्तर्गत मंगलबार भएको खेलमा आर्मीले कीर्तिपुर बास्केटबल टिमलाई १११–६४ को फराकिलो अन्तरले पराजित गरेको हो । कीर्तपुरविरुद्ध सुरुवाती क्वार्टरबाट नै हावी भएको आर्मीले पहिलो क्वार्टरमा २७–१७, दोस्रो क्वार्टरमा २६–१२, तेस्रो क्वार्टरमा २७–१७ र चौथो क्वार्टरमा ३१–१८ ले अघि रहेको थियो ।
आर्मीको जितमा रविन खत्रीले ३१ स्कोर गर्दा १० स्कोरको लागि सहयोग गरे । रविन नै खेलको म्यान अफ दि म्याच घोषित भए । जितसँगै अपराजित रहेको आर्मीले ७ खेलबाट २१ अंक जोड्दै लिगमा आफ्नो शीर्षता कायम गरेको छ । कीर्तिपुरले भने लिगमा पहिलो हार बेहोरेको हो । हारपछि पनि कीर्तिपुर तेस्रो स्थानमा यथावत छ ।
मंगलबारै भएको अर्काे खेलमा गोल्डेनगेटले हिमालयन हन्डस्माथि ९४–५० को फराकिलो जित निकाल्यो । गोल्डेनगेटले घरेलु टोलीमाथि चारै क्वार्टरमा २७–१८, २१–८, २२–६ र २४–१८ को अग्रता बनाएको थियो । गोल्डेनगेटको जितमा राजीव जोशीले २५ अंकको योगदान दिए । जितसँगै गोल्डेनगेट चौथो स्थानमा उक्लिएको छ । गोल्डेनगेटको ८ खेलबाट १२ अंक छ ।
लिग अन्तर्गत बुधबार टिम बुढानिलकण्ठ नगरपालिका र जेभियर कलेज तथा साउथ साइडर्स र हिमालयन हन्डस्बीच खेल हुनेछ ।
March 29, 2025
काठमाडौं (हाम्रो खेलकुद)- राष्ट्रिय बास्केटबल च्याम्पियनसिपको विजेता टाइम्स बास्केटबल क्लबले साबा क्लब च्याम्पियनसिपमा प्रतिस्पर्धा गर्ने भएको छ। भारतको मद्रास स्थित जबहारलाल नेहरु इन्डोर स्टेडियम २१ देखि २५ गते सन्चालन हुनेछ । दक्षिण एसियाली राष्ट्रका नेपालसहित आयोजक , पाकिस्तान, श्रीलंका, माल्दिभ्स, पाकिस्तान र भुटानका लिग च्याम्पियन टोलीको सहभागिता रहनेछ। साबा क्लब च्याम्पियनसिप पहिलो पटक आयोजना हुन […]
March 18, 2025
काठमाडौं(हाम्रो खेलकुद)- जावलाखेल ह्विलचियर स्पोर्ट्स क्लब (जेडब्युएससी) महिलातर्फ र त्रिभुवन आर्मी क्लबले पुरुषतर्फ अन्तर उपत्यका क्लबस्तरीय ह्विलचियर बास्केटबल प्रतियोगिताको उपाधि जितेको छ। नेपाल स्पाइनल कर्ड इन्जरी खेलकुद संघ (एनएससिआइएसए) को आयोजना र युवा तथा खेलकुद मन्त्रालय, बागमती प्रदेशको सहयोगमा त्रिपुरेश्वरस्थित राष्ट्रिय खेलकुद परिषद् (राखेप) कभर्डहलमा आज सकिएको प्रतियोगिताका विजेता दुवै टोलीले ५० हजार रुपैयाँ प्राप्त […]
March 17, 2025
काठमाडौं (हाम्रो खेलकुद)- नेपाल स्पाइनल कर्ड इन्जरी खेलकुद संघ (एनएससिआइए) को आयोजनामा जारी उपत्यका क्लबस्तरीय ह्विलचियर बास्केटबल प्रतियोगिताको सेमिफाइनल समीकरण पूरा भएको छ। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा सोमवार सुरु भएको प्रतियोगितामा पहिलो दिन समूह चरणका सबै खेल सकिएका छन् । महिला र पुरुष दुवैतर्फबाट अन्तिम चारमा पुग्ने टोलीको टुंगो लागेको हो। पुरुषतर्फ […]
