काठमाडौं (हाम्रो खेलकुद) – विशाल मिलन केन्द्र राजधानीमा जारी ‘होम एण्ड अवे’ क्वीक्स बास्केटबल लिगको तेस्रो स्थानमा उक्लिएको छ ।

लिग अन्तर्गत बुधबार भएको खेलमा विशाल मिलन केन्द्रले घरेलु टोली टिम बुढानिलकण्ठ नगरपालिकालाई ८८–६९ को अन्तरमा पराजित गर्दै लिगको तेस्रो स्थानमा उक्लन सफल भएको हो । समान ९ अंक नै भएपनि विशाल मिलन स्कोरको आधारमा हिमालयन हन्डस्भन्दा पछि परेको हो । लिगमा अपराजित रहेको आर्मी १५ अंकसहित शीर्ष स्थानमा छ । तीन खेलबाट ९ अंक जोडेर अपराजित रहेको कीर्तिपुर बास्केटबल टिम चौथो स्थानमा छ ।

केन्द्रले पहिलो क्वार्टरमा ८–२० को आरामदायी अग्रता बनाएको थियो । दोस्रो क्वार्टरमा पनि केन्द्रले १४–२७ को अग्रता बनायो । तेस्रो क्वार्टर २५–२० र चौथो क्वार्टर २२–२१ ले गुमाएपनि त्यो हारलाई पर्याप्त भए । केन्द्रका बिकास गुरुङले ३१ र विवेक श्रेष्ठले २६ स्कोर गरे ।

बुधबार भएको अर्काे गोल्डेनगेट कलेजले साउथ साइडर्सलाई ७६–६३ को अन्तरमा पराजित गर्दै लिगमा दोस्रो जित निकाल्न सफल भयो । गोल्डेनगेटले साउथ साइडर्समाथि पहिलो क्वार्टरमा २४–१७, दोस्रो क्वार्टरमा १३–१४, तेस्रो क्वार्टरमा २२–१६ र चौथो क्वार्टरमा १७–१६ को जित निकाल्यो । गोल्डेनगेटका विपीन महर्जनले २२ अंकको योगदान दिए ।

लिगअन्तर्गत बिहिबार कुनै खेल हुनेछैन । शुक्रबार जेभियर कलेज र कीर्तिपुर बास्केटबल टिमबीच खेल हुने आयोजकले जनाएको छ ।