काठमाडौं (हाम्रो खेलकुद)– उपाधिको दाबेदार विभागिय त्रिभुवन आर्मी क्लबले राजधानीमा जारी ‘होम एण्ड अवे’ क्विक्स बास्केटबल लिगमा लगातार दोस्रो जित निकालेको छ । आर्मी क्लबको घरेलु मैदानमा भएको सोमबार भएको खेलमा आर्मी उपाधिको अर्को दावेदार टोली गोल्डेनगेट कलेजलाई ७८–५० को फराकिलो अन्तरले पराजित गर्दै लिगमा लगातार दोस्रो जित निकालेको हो ।

आर्मीले यसअघि विशाल मिलन केन्द्रलाई ८७–७३ ले पराजित गरेको थियो । घरेलु कोर्टमा आर्मी पहिलो सेटमा १९–२२ ले पछि परेको थियो । उत्कृष्ट पुनरागमन गरेको आर्मीले त्यसपछिको सबै तीन सेटमा आरमदायी अग्रता बनायो ।

आर्मीले दोस्रो क्वार्टरमा १३–६, तेस्रो क्वार्टरमा २७–१२ र चौथो क्वार्टरमा १९–१० को सहज जित निकालेको थियो । आर्मीको जितमा रविन खत्रीले १७ अंकसहित ६ अंकको लागि सहायता दिदा कप्तान सदिश प्रधानले १६ अंक जोडे । पराजित टिमका लगि विनोद श्रेष्ठले १४ अंक जोडे ।

सोमबारै भएको अर्को खेलमा टिम बुढानिलकण्ठ नगरपालिकाले साउथ साइडर्सलाई ५९–५६ को अन्तरमा पराजित ग¥यो । बुढानिलकण्ठ पहिलो क्वार्टरमा ६–२२ ले पछि परेको थियो । दोस्रो क्वार्टर १६–१४ ले जितेको बुढानिलकण्ठले तेस्रो क्वार्टर पुरै नियन्त्रणमा लिएर १७–२ को जितनिकाल्दा १ अंकको अग्रता बनायो ।

निर्णायक क्वार्टरमा २०–१८ को जित निकालेपछि बुढानिलकण्ठले ३ अंकको अग्रता जित निकाल्यो । बुढानिलकण्ठको लागि तेजेन्द्र गुरुङ र विजय रानाले समान १६ अंकको योगदान दिए । साउथ साइडर्सका लागि सन्जय व्यन्जकारले १७ अंक जोडेपनि टिमलाई जिताउन सकेन । लिग अन्र्तगत मंगलबार हिमालयन हङ्स र बिशालमिनल केन्द्रबीच खेल हुनेछ ।