इस्लिङटन र हिमालयलाई उपाधि

काठमाडौं (हाम्रो खेलकुद) – इस्लिङटन कलेज पूरुषतर्फ र हिमालय इन्जिनियरिङ कलेज गल्र्सतर्फ दोस्रो एसीएचएस अन्तर आईटी थ्री बाई थ्री बास्केटबल प्रतियोगिताको च्याम्पियन बनेका छन् ।

त्रिपुरेश्वरस्थित राष्ट्रिय खेलकुद परिषद्को कभर्डहलमा मंगलबार भएको ब्वाइज फाइनलमा इस्लिङटनले न्यु समिटलाई २१–१० ले पराजित गर्दै च्याम्पियन बन्यो । इस्लिङटनको जितमा निकेश राईले ८ अंक योगदान गरे । उपाधिसंगै इस्लिङटनले २५ हजार नगद पुरस्कार हात पार्यो । दोस्रो स्थानमा चित्त बुझाएको न्यु समिटले १५ हजार नगदमा चित्त बुझायो ।

गल्र्सको उपाधि भिडन्तमा हिमालयले आयोजक एसियन कलेज आफ हायर स्टडिज (एसीएचएस) लाई ९–३ ले पराजित गर्दै च्याम्पियन बनिन् । हिमालयकी रुबि महर्जनले ५ स्कोर गरिन् । उपाधि विजेता हिमालयले ४ हजार नगद पुरस्कार प्राप्त गर्यो ।

ब्वाइजमा इस्लिङटनका आशिष बस्नेत तथा गल्र्समा हिमालयकी रुबि महर्जन ‘मोस्ट भेलुएबल प्लेयर’ घोषित भए । विजेतालाई नेपाल बास्केटबल संघका महासचिव नरेन्द्र थापा र एसीएचएसका प्रिन्सिपल सविन्द्र महर्जनले पुरस्कृत गरे । एकदिने प्रतियोगिताअन्तर्गत ब्वाइजमा १६ तथा गल्र्समा ३ टिम सहभागी थिए ।