एसिएचएस थ्री वाई थ्री बास्केटबल मंगलबार

काठमाडौं (हाम्रो खेलकुद)– दोस्रो संस्करणको एक दिने एसिएचएस अन्तर आइटी कलेज थ्री वाई थ्री बास्केटबल प्रतियोगिता मंगलबार हुने भएको छ । आयोजक एसिएचएस कलेज स्पोर्टस क्लबले आइतबार राजधानीमा पत्रकार सम्मेलन गर्दै प्रतियोगितामा पुरुषतर्फ १६ र महिलातर्फ ३ आइटी कलेजले भाग लिने जानकारी दियो ।

पुरुषतर्फको खेलहरु लिग कम नकआउट र महिलातर्फको भने राउण्ड रोविनको आधारमा हुने छ । पुरुषतर्फको विजेताले २५ हजार र उपविजेताले १५ हजार प्राप्त गर्ने एसिएचएसका प्रिन्सिपल सबिन्द्र महर्जनले जानकारी गराए ।

प्रतियोगिताको सबै खेलहरु त्रिपुरेश्वस्थित राखेप कभर्डहलमा हुनेछ । प्रतियोगिता सञ्चालन गर्न करिव २ लाख ५० हजार खर्च हुने अनुमान आयोजकले गरेको छ । सहभागी कलेजहरुमा आयोजक एसिएचएस, हिमालय, प्राइम र इस्लिङटनबाट दुई टोलीको सहभागिता रहेको छ । यस्तै न्यू समिट, ट्रिनिटी, वर्नहार्ट, एनसिएसएस, सन वे, एमविएम अर्किड र आईआईएमएस कलेज छन् ।