भारत एसियन च्याम्पियनसिपमा छनोट,नेपाल तेस्रो

काठमाडौं (हाम्रो खेलकुद)– भारत पाँचौं एसियन यू–१६ पुरुष छनोट बास्केबल च्याम्पियनसिपको लागि छनोट भएको छ । त्रिपुरेश्वरस्थित राष्ट्रिय खेलकुद परिषद (राखेप)को कभर्ड हलमा शनिबार सकिएको छनोट प्रतियोगितामा भारत अपराजित रहँदै एसियन च्याम्पियनसिपलाई छनोट भएको हो ।

च्याम्पियनसिपमा तेस्रो भएको नेपाली टोली ।

च्याम्पियनसिपको अन्तिम दिन भारतले भुटानलाई १३१–५० को फराकिलो अन्तरले पराजित ग¥यो । पहिलो क्वार्टरमा ४०–७ को आरामदायी अग्रता लिएको भारत दोस्रो क्वार्टरमा २०–२१ ले पछि परेको थियो । तर, त्यसपछिको दुवै क्वार्टर मा भारतले ४१–१० र ३०–१२ को अग्रता लिदै खेल १३१–५० ले आफ्नो पक्षमा पार्न सफल भयो ।

यस्तै आयोजक नेपाल च्याम्पियनसिपमा च्यामिपयनसिपमा तेस्रो भयो । च्याम्पियनसिपको अन्तिम दिन नेपालले माल्दिभ्सलाई १०३–४१ को फराकिलो पराजित गर्दै तेस्रो स्थान हात पा¥यो । नेपालले पहिलो सेटमा ३०–१० को अग्रता लिदा दोस्रो क्वार्टरमा ३१–४, तेस्रो क्वार्टर १९–१२ र अन्ति क्वार्टर २३–१५ को अग्रता लिदै समग्रमा १०३–४१ को जित निकाल्न सफल भयो ।

छनोट प्रतियोगितामा नेपालले समान दुई जितर दुई हार बेहो¥यो । बंगलादेश र भारतसँग पराजित भएको नेपालले च्याम्पियनसिपमा भुटान र माल्दिभ्सलाई पराजित गर्न सफल भयो । प्रतियोगितामा भारतका प्रिन्सिपल सिंह मोष्ट भ्यालुएबल खेलाडी घोषित भए । भाद्र २० बाट शुरु भएको च्याम्पियनसिपमा दक्षिण एसियाका पाँच राष्ट्रले सहभागिता जनाएको थियो ।