नेपाल यू १६ बास्केटबल च्याम्पिनसिप छनोटबाट बाहिरियो [फोटो फिचरसहित]

काठमाडौं (हाम्रो खेलकुद)– नेपाली युवा टोली पाँचौं एसियन यू १६ पुरुष छनोट बास्केबल च्याम्पियनसिपबाट बाहिरिएको छ । च्याम्पियनसिपको दाबेदार भारतसँग आज १०६–३९ स्कोरमा पराजित हुँदै नेपाल एसियन कप छनोटबाट बाहिरिएको छ ।

तस्बिर– विवेक सुवेदी/हाम्रो खेलकुद

यद्दपी सो प्रतियोगिता तेस्रो साबा च्याम्पिनसिप पनि रहेकोले उक्त प्रतियोगितामा तेस्रो हुने सम्भावना भने नेपालको जीवित नै छ । लगातार दुई खेलमा पराजित भएसँगै एसियन छनोट च्याम्प्यिनसिपबाट नेपाल बाहिरीएको हो । हिजो बंगलादेशसँग तेस्रो क्वार्टरसम्म अग्रता लिएर अन्त्यमा नेपालले खेल गुमाएको थियो ।

आजको खेलमा नेपाल पहिलो क्वार्टरदेखि नै निकै पछि परेको थियो । भारतले पहिलोेदेखि चौथो क्वार्टरमा : २६–१२,२४–७,३२–१२,२४–८ अग्रता लिदै सहजै नतिजा आफ्नो पक्षमा पारेको थियो । च्याम्पियसिपमा भारत एक्लो अपराजित टोली हो । भारतले यसअघि माल्दिभ्स र बंगलादेशलाई हराइसकेको छ भने भुटानसँग खेल्न बाँकी छ ।

पहिलो खेलमा भुटानलाई हराएको नेपालले अन्तिम खेलमा माल्दिभ्सको सामना गर्नेछ । माल्दिभ्सलाई हराउन सके नेपाल साबा च्याम्पियनसिपमा तेस्रो हुनेछ । दक्षिण एसियाका पाँच राष्ट्रको सहभागिता रहेको च्याम्पियनसिपको विजेताले एसियन च्याम्पियनसिपमा प्रवेश पाउनेछ ।