भारतसँग पराजित भएसँगै नेपालको साबा यात्रा टुंगियो

काठमाडौं (हाम्रो खेलकुद) – माल्दिभ्समा जारी छैटौं साबा च्याम्पियनसिप अन्तर्गत अन्तिम खेलमा भारतसँग ९०-४४ स्कोरले हार व्येहोर्दै नेपालले प्रतियोगिता टुंग्याएको छ। प्रतियोगितामा खेलेका ४ खेलमध्ये एक खेलमा जित दर्ता गरेको नेपालले ३ खेलमा पराजित भयो।

तस्बिर सौजन्य: पिएसएम स्पोर्ट्स

प्रतियोगिताको पहिलो खेलमा बंगलादेशसंग ७६-६६ले पराजित भएको नेपालले दोश्रो खेलमा आयोजक राष्ट्र माल्दिभ्सलाई ६१-५९ले पराजित गरेको थियो। तेश्रो खेलमा श्रीलंकासँग ८१-६५ले पराजित भएको नेपाल अन्तिम खेलमा पनि भारतसँग पराजित भएको हो।

प्रतियोगिताको पाँचौ संस्करणमा तेश्रो भएको नेपाल अंक तालिकाको चौथो स्थानमा छ। साविक विजेता भारत प्रतियोगिताको शीर्षस्थानमा रहँदै २०१७ फिबा एसिया कप र २०१७ फिबा एसिया च्याम्पियन्स कपमा छनोट हुने सम्भावना पनि बढ्दो छ। आयोजा माल्दिभ्ससँग अन्तिम खेल खेल्न बाँकी रहेको अवस्थामा भारत तालिकाको दोश्रो स्थानमा छ। उसले शीर्ष स्थानमा रहेको बंगलादेशलाई पनि १४२-७१ले पराजित गरिसकेको छ।