1 week ago
April 8, 2025
काठमाडौं (हाम्रो खेलकुद)- नेपालको टाइम्स बास्केटबल क्लबले साबा क्लब च्याम्पियनसिपमा कास्य पदक जितेको छ।
टाइम्सले आफ्नो चौथो तथा अन्तिम खेलमा सोमवार भुटानको थिम्पु म्याजिकलाई ८७-५९ ले हराउँदै तेस्रो स्थान पक्का गरेको हो।
भारतको मद्रासस्थित जवाहरलाल नेहरु इन्डोर स्टेडियममा टाइम्सले पहिलो क्वाटरबाट नै खेलमा पकड बनाएको थियो। चौथो क्वाटर बाहेक सबैमा अग्रता लिएको थियो।
पहिलोमा ३०-१२, दोस्रोमा १८-१२ , तेस्रोमा २०-१२ ले टाइम्स अगाडि रह्यो। चौथो तथा अन्तिम क्वाटरमा १९-२२ ले पछि परेपछि अघिल्ला ३ क्वाटरको अग्रताले टाइम्सले फराकिलो अन्तरको जित निकाल्यो ।
टाइम्सका कमल थापाले १४, सधिश प्रधानले १३, निश्चल महर्जन र श्रेयश बहादुर शाहले समान १२ र मविन्द्र भण्डारीले ११ स्कोर गरे।
टाइम्सले ४ मध्ये २ मा जित र २ मा हार बेहोर्यो।
पहिलो खेलमा श्रीलंकाको कोलम्बो बिसीसँग ७१–६६ ले पराजित टाइम्सले दोस्रो खेलमा माल्दिभ्सको ट्रेक्स बिसीलाई ६७–५९ ले हराएको थियो। तेस्रो खेलमा टाइम्स भारतको तमिलनाडु क्लबसँग पराजित भएको थियो।
साना क्लब च्याम्पियनसिपमा तमिलनाडुले स्वर्ण र कोलम्बोले रजत पदक जितेको छ।
अन्तिम समयमा पाकिस्तानको आइएसबी प्यान्थर्स सहभागी भएन । राष्ट्रिय बास्केटबल च्याम्पियनसिपको विजेताको हैसियतमा टाइम्सले साबा सहभागिता जनाएको हो। साबा क्लब च्याम्पियनसिप पहिलो पटक आयोजना भएको हो ।
April 4, 2025
काठमाडौं (हाम्रो खेलकुद)- नेपालको टाइम्स बास्केटबल क्लबले साबा क्लब च्याम्पियनसिपमा पहिलो जित हात पारेको छ। टाइम्सले शुक्रवार माल्दिभ्सको ट्रेक्स बिसीलाई ६७–५९ ले पराजित गर्दै पहिलो जित निकालेको हो। भारतको मद्रासस्थित जवाहरलाल नेहरु इन्डोर स्टेडियममा भएको खेलको पहिलो क्वाटरमा टाइम्स १८ अंकमा रोकियो। ट्रेक्सले २० अंक बनायो। तर दोस्रो क्वाटरमा टाइम्सले उत्कृष्ट प्रदर्शन गर्दै २२–११ को […]
March 29, 2025
काठमाडौं (हाम्रो खेलकुद)- राष्ट्रिय बास्केटबल च्याम्पियनसिपको विजेता टाइम्स बास्केटबल क्लबले साबा क्लब च्याम्पियनसिपमा प्रतिस्पर्धा गर्ने भएको छ। भारतको मद्रास स्थित जबहारलाल नेहरु इन्डोर स्टेडियम २१ देखि २५ गते सन्चालन हुनेछ । दक्षिण एसियाली राष्ट्रका नेपालसहित आयोजक , पाकिस्तान, श्रीलंका, माल्दिभ्स, पाकिस्तान र भुटानका लिग च्याम्पियन टोलीको सहभागिता रहनेछ। साबा क्लब च्याम्पियनसिप पहिलो पटक आयोजना हुन […]
March 18, 2025
काठमाडौं(हाम्रो खेलकुद)- जावलाखेल ह्विलचियर स्पोर्ट्स क्लब (जेडब्युएससी) महिलातर्फ र त्रिभुवन आर्मी क्लबले पुरुषतर्फ अन्तर उपत्यका क्लबस्तरीय ह्विलचियर बास्केटबल प्रतियोगिताको उपाधि जितेको छ। नेपाल स्पाइनल कर्ड इन्जरी खेलकुद संघ (एनएससिआइएसए) को आयोजना र युवा तथा खेलकुद मन्त्रालय, बागमती प्रदेशको सहयोगमा त्रिपुरेश्वरस्थित राष्ट्रिय खेलकुद परिषद् (राखेप) कभर्डहलमा आज सकिएको प्रतियोगिताका विजेता दुवै टोलीले ५० हजार रुपैयाँ प्राप्त […]
