9 years ago
September 25, 2015
काठमाडौं, असोज ८ गते ।
प्राइम कलेज र मोर्गन इन्टरनेसनल कलेजले छैटौं काठमाडौं बर्नहार्ट कप अन्तरकलेज बास्केटबल प्रतियोगिताको उपाधि शुक्रबार जितेका छन् । प्राइम ब्वाइज र मोर्गन गल्र्समा च्याम्पियन बने ।
बर्नहार्ट कप अन्तरकलेज बास्केटबल उपाधि विजेता प्राइम र मोर्गन टोली ।
बल्खुस्थित आयोजक काठमाडौं बर्नहार्ट कलेजको कोर्टमा भएको ब्वाइज फाइनलमा प्राइमले एलआरआईलाई ४४–३४ ले पराजित गर्यो । प्राइमको जितमा प्रयुश श्रेष्ठले १३ अंक योगदान गरे । पहिलो क्वाटरमा प्राइमले १२–१० को अग्रता बनायो । दोश्रोमा एलआरआईले १२–१० को अग्रता हासिल गर्दै खेललाई २२–२२ को बराबरी स्थितिमा पुर्यो । प्राइमले तेश्रोमा ९–६ र चौथोमा १३–६ को प्रदर्शन गर्दै उपाधि सुनिश्चित गर्यो ।
गल्र्सको फाइनलमा मोर्गनले नासा इन्टरनेसनल कलेजलाई ३१–२७ ले हरायो । मोर्गनकी विष्णु मगरले १३ स्कोर गरिन् ।
पहिलो क्वाटरमा ७–९ ले पछि परेको मोर्गन दोश्रोमा ११–७ अंक जोड्दै समग्रमा २ अंकले अगाडि रह्यो । तेश्रो क्वाटर ३–३ को बराबरीमा सकियो । मोर्गनले चौथामा १०–८ अंक जोड्यो । फाइनलका सर्वाधिक स्कोरकर्ताद्वय प्रयुश र विष्णु आ–आफ्नो समूहमा ‘मोस्ट भेलुएबल प्लेयर’ घोषित भए ।
विजेतालाई नेपाल बास्केटबल संघका वरिष्ठ उपाध्यक्ष नरेन्द्र थापा, बर्नहार्ट कलेजका अध्यक्ष भूपेश छत्कुली र सहायक प्रिन्सिपल पुरुषोत्तम विष्टले एक कार्यक्रमबीच पुरस्कृत गरे । भदौ २८ गतेदेखि सुरु प्रतियोगिताको ब्वाइजमा २४ तथा गल्र्समा ७ टिमले लिग कम नकआउट आधारमा प्रतिस्पर्धा गरेका थिए ।
March 18, 2025
काठमाडौं(हाम्रो खेलकुद)- जावलाखेल ह्विलचियर स्पोर्ट्स क्लब (जेडब्युएससी) महिलातर्फ र त्रिभुवन आर्मी क्लबले पुरुषतर्फ अन्तर उपत्यका क्लबस्तरीय ह्विलचियर बास्केटबल प्रतियोगिताको उपाधि जितेको छ। नेपाल स्पाइनल कर्ड इन्जरी खेलकुद संघ (एनएससिआइएसए) को आयोजना र युवा तथा खेलकुद मन्त्रालय, बागमती प्रदेशको सहयोगमा त्रिपुरेश्वरस्थित राष्ट्रिय खेलकुद परिषद् (राखेप) कभर्डहलमा आज सकिएको प्रतियोगिताका विजेता दुवै टोलीले ५० हजार रुपैयाँ प्राप्त […]
March 17, 2025
काठमाडौं (हाम्रो खेलकुद)- नेपाल स्पाइनल कर्ड इन्जरी खेलकुद संघ (एनएससिआइए) को आयोजनामा जारी उपत्यका क्लबस्तरीय ह्विलचियर बास्केटबल प्रतियोगिताको सेमिफाइनल समीकरण पूरा भएको छ। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा सोमवार सुरु भएको प्रतियोगितामा पहिलो दिन समूह चरणका सबै खेल सकिएका छन् । महिला र पुरुष दुवैतर्फबाट अन्तिम चारमा पुग्ने टोलीको टुंगो लागेको हो। पुरुषतर्फ […]
March 15, 2025
काठमाडौं (हाम्रो खेलकुद)- नेपाल स्पाइनल कर्ड इन्ज्युरी खेलकुद संघ (एनएससिआइए) को आयोजनामा अन्तर उपत्यका क्लबस्तरीय ह्विलचियर बास्केटबल प्रतियोगितामा सोमवार सुरु हुने भएको छ। प्रतियोगिता त्रिपुरेश्वरस्थित राष्ट्रिय खेलकुद परिषद् (राखेप) कभर्ड हलमा चैत ४ र ५ गते प्रतियोगिता हुने संघले गोकर्णेश्वर नगरपालिका ६, नारायणटारमा शनिवार पत्रकार सम्मेलन गर्दै जानकारी दिएको छ। प्रतियोगितामा पुरुषतर्फ ७ र महिलातर्फ […]
