पुष्पसदन बास्केटबलमा रेडियन्ट र ज्ञानोदयको जित

ललितपुर (हाम्रो खेलकुद) – तेस्रो पुष्पसदन कप काठमाडौं उपत्यकाब्यापी अन्तर विद्यालय बास्केटबल प्रतियोगितामा मंगलबार रेडियन्ट पब्लिक स्कुल र ज्ञानोदय स्कूल विजयी भएका छन् ।

कीर्तिपुरस्थित आयोजक पुष्पसदनको बास्केटबल कोर्टमा भएको सिनियर ब्वाईजको खेलमा रेडियन्टले मंगल स्कुललाई ४०–१७ ले हरायो । रेडियन्टका रोहितले सर्वाधिक १४ स्कोर गरे । अर्को खेलमा ज्ञानोदयले स्वर्णिम स्कुललाई २७–२३ ले पराजित गर्यो । ज्ञानोदयका रिजनले सर्वाधिक ११ स्कोर गरे ।

सिनियरकै अन्य खेलमा आईएमएस स्कुल, जनसेवा स्कुल, रारा हिल विजयी भएका छन् । आरोनको सर्वाकि १३ स्कोरको मद्दतमा आईएमएसले एभिएम स्कुललाई ४६–२८ ले हरायो । जनसेवाले निसर्ग माविलाई २४–१४ ले हरायो ।

राराहिलले एलआरआई ३८–२७ ले पराजित गर्यो ।जुनियर ब्वाईजतर्फ निसर्ग स्कल राराहिलसँग १६ –६ ले पराजित भयो । जुनियरतर्फ रेडियन्ट पब्लिक र आयोजक पुष्पसदनबीचको खेल वर्षाका कारण स्थगित भएको छ । असोज ८ गतेसम्म चल्ने प्रतियोगितामा २५ विद्यालयको सहभागिता छ ।