ललितपुर (हाम्रो खेलकुद) – आशिष थापा मगरको उत्कृष्ट प्रर्दशनसँगै तेस्रो पुष्पसदन कप काठमाडौं उपत्यकाब्यापी अन्तर बास्केटबल प्रतियोगितामा मेगस इंगलिस स्कुल जित दर्ता गरेको छ ।

पुष्पसदन स्कुल कीर्तिपुरको आयोजनामा जारी प्रतियोगिता आइतबार पहिलो खेलमा मेगसले राराहिल मेमोरियल स्कुललाई ६२–४८ ले हरायो । मेगसका आशिष थापामगर एक्लैले सर्वाधिक ५९ स्कोर गरेका थिए ।

तेस्रो संस्करणको पुष्पसदनको बास्केटबलमा आइतबार अन्य खेलमा रेडियन्ट पब्लिकका दुबै टिम, आयोजक पुष्पसदन, रेडियन्ट पब्लिक, जनसेवा, स्वर्णीम र आइएमएस स्कुल विजयी भएका छन् ।

जुनियर ब्वाईजतर्फ जनसेवा स्कुलले राराहिललाई १०–५ ले हराएको छ । जनसेवाका लागि सबै १० स्कोर गरे । त्यस्तै रेडियन्ट पब्लिकले ग्रिनफिल्ड स्कुललाई २६–९ ले पराजित गर्यो । रेडियन्टका रिबुसले ७ स्कोर गरे ।

त्यसैगरी सिनियर ब्वाईजतर्फ आयोजक पुष्पसदनले एलआरआई स्कूललाई २३–१९ ले पराजित ग¥यो । एलआरआईका मन्दीप गुरागाईले १३ स्कोर गरे । त्यस्तै रेडियन्ट पब्लिक स्कुलले ज्ञानोदय स्कुललाई ५४–४९ ले हरायो । रेडियन्टका लमिक योञ्जनले २४ स्कोर गरे ।

अर्को खेलमा स्वर्णीम मंगल माविलाई २४–१४ ले हरायो । स्वर्णीम स्कूलका रोजितले ९ स्कोर गरे । त्यस्तै आइएमएस स्कुलले हिलटाउनलाइ २४–११ ले पराजित गर््यो । आइएमएसका नेल्सन श्रेष्ठले ७ स्कोर गरे । सिनियर ब्वाइजतर्फ १६, जुनियर ब्वाइजतर्फ ८ र गर्ल्स थ्री बाई थ्री तर्फ २४ गरि २५ टोलीको सहभागिता रहेको छ । प्रतियोगिता असोज ८ गतेसम्म चल्नेछ ।