आयोजक टिआइएलाई दोहोरो खुसी

काठमाडौं (हाम्रो खेलकुद)– आयोजक ठुङरम इन्टरनेसनल एकेडेमी (टिआइए) ले १२ औं टिआइए कप अन्तर स्कुल बास्केटबल प्रतियोगिताको पहिलो दिन शुक्रबार दोहोरो सफलता हासिल गरेको छ । हात्तिगौडास्थित टिआइएको कोर्टमा गल्र्सतर्फ होली भिजनलाई २१–४ ले हराएको टिआइएले ब्वाइजतर्फ बसुन्धरा नेसनल एकेडेमीलाई ४३–३३ ले पराजित गरेको छ । टिआइएका लागि गल्र्समा सुदिक्षा खड्काले १२ र ब्वाइजमा सलिन शेरचनले १७ स्कोर गरे ।

गल्र्सतर्फको अर्को खेलडमा सुम्निमा खरेलको १० स्कोरको मद्दतमा इडन ब्रिजले एससिआइबिएसलाई २६–१२ ले पराजित गर्यो । त्यस्तै ब्वाइजतर्फका अन्य खेलमा ज्ञान निकेतन र एचएचसिए विजयी भएका छन् । मनीष तामाङको १६ स्कोरमा ज्ञान निकेतनले एससिआइबिएसलाई ३२–२५ ले हरायो । त्यस्तै एचएचसिएले एलआइआईलाई ४७–२४ ले हराउँदा विजयी टोलीका तेन्जिङ राईले १६ स्कोर गरे ।