काठमाडौं (हाम्रो खेलकुद)– माल्दिभ्समा सम्पन्न साबा महिला बास्केटबल च्याम्पिनयसिपको रजत पदक विजेता राष्ट्रिय महिला बास्केबल टोली गए राती स्वदेश फर्केको छ । टोली असोज ७ गते माल्दिभ्स गएको थियो । साबा च्याम्पिनसिपमा श्रीलंका विजेता बन्दा नेपाल दोस्रो आयोजक माल्दिभ्स तेस्रो र भुटान तालिकाको पुछारमा रहेको थियो ।

तीन वर्ष अघि स्वदेशमा आयोजना भएको १३ औं दक्षिण एसियाली खेलकुद (साग) पछि महिला टोली पहिलो पटक अन्तर्राष्ट्रिय प्रतियोगिताका लागि निस्केको थियो । विभिन्न कठिनाईका वावजुद टोलीको प्रदर्शनबाट आफूहरु सन्तुष्ट रहेको कप्तान सदिना श्रेष्ठले बताएकी थिइन् ।

पहिलो खेलमा माल्दिभ्ससँग ५१–४७ ले पराजित भएको नेपालले दोस्रो खेलमा श्रीलंकालाई ५५–४९ ले र भुटानलाई ६५–२६ ले हराएको थियो । सन् २०१६ मा नेपालमा भएको साबाको पहिलो संस्करणमा पनि श्रीलंका विजेता बन्दा नेपाल दोस्रो, माल्दिभ्स तेस्रो, भुटान चौथो र बंगलादेश पाँचौं बनेको थियो । यसपटक बंगलादेशको सहभागिता रहेन । यसपटक पनि माल्दिभ्स तेस्रो र भुटान चौथो भएका छन् ।

नेपाली बास्केटबल टोली

सदिना श्रेष्ठ (कप्तान), एलिना गुरुङ, एलिशा मल्ल, अमिशा घले, अनुषा मल्ल, विनामणि योञ्जन, गरिशा सिलवाल, मिना गुरुङ, मुना महर्जन, प्रतिक्षा मगर, रचना श्रेष्ठ र श्रेया खड्का, विकास शाही (प्रशिक्षक), निरञ्जन सत्याल (व्यवस्थापक)