कीर्तिपुर र ग्रान्डीलाई सूर्योदय बास्केटबल उपाधि

काठमाडौं (हाम्रो खेलकुद)– तेस्रो सूर्योदय एसइइ खुला बास्केबल प्रतियोगितामा कीर्तिपुर क्लब र ग्रान्डी स्पोर्टस सेन्टर विजयी भएका छन् ।

सूर्योदय अवासिय मावि डिल्लीबजार को आयोजना भएको प्रतियोगिताको पुरुषतर्फ प्रतिस्पर्धात्मक फाइनलमा एनपी लायन्सलाई २१–२० ले हराउँदै कीर्तिपुर क्लब च्याम्पियन बनेको हो । आइतबार नै महिलातर्फको प्रतिस्पर्धात्मक फाइनलमा ग्रान्डी स्पोर्टसले आएसए नेपाललाई ७–६ ले पराजित गर्यो । पुरुषतर्फ इन्साइड भिजन र महिलातर्फ एनसिसिएस तेस्रो भएको थियो ।

दुवैतर्फका विजेता टोलीले २० हजार र दोस्रो टोलीले १० हजार रुपैयाँ प्राप्त गर्यो । असार ३१ गते देखि आयोजना भएको प्रतियोगितामा पुरुषमा ३२ र महिलामा १६ टोलीको सहभागिता रहेको सूर्योदयका खेलकुद संयोजक राजेन्द्र कपालीले जानकारी दिए । विजेता, उपविजेता टोलीका खेलाडीलाई रोविन खत्री र सूर्योदयका संस्थापक प्रिन्सिपल लक्ष्यबहादुर केसीले पुरस्कृत गरे ।