काठमाडौं (हाम्रो खेलकुद) – १३औं संस्करणको काठमाडौं म्याराथन अन्तरगतको ५ किलोमिटर दौडमा पुरुषतर्फ विभागीय नेपाल एपीएफ क्लबका अजित कुमार यादव र महिलामा आर्मीकी सरस्वती भट्टराई च्याम्पियन बनेकी छन् । 

त्रिपुरेश्वस्थित दशरथ रंगशाला परिसरबाट शुरु भएको ५ किलोमिटर दौड विभागीय नेपाल एपीएफ क्लबका अजितले १७ मिनेट १९ दशमलव ९१ सेकेन्डमा पुरा गर्दै च्याम्पियन बनेको हो । यसअघि अजितले गत मंसिर ७ मा भएको धारा नेपालगन्ज म्याराथन अन्तरगतको १० किलोमिटर दौडमा च्याम्पियन बनेको थियो । अस्वस्थताका कारण १३औं सागको राष्ट्रिय टोलीमा रहेर पनि अन्तिम समयमा क्याम्पबाट बाहिरिनु परेको थियो । उनी पुनरागमनको पहिलो प्रतियोगितामा च्याम्पियन बन्न सफल भएको थियो ।

आर्मीका गजेन्द्र राईले १७ मिनेट ३० दशमलव ६३ सेकेन्डसहित दोस्रो स्थान आत पारे । आर्मीकै शिव बहादुर रायमाझीले १७ मिनेट ५३ दशमलव २२ सेकेन्डसहित तेस्रो स्थान हात पारे ।

महिलातर्फ आर्मीकी सरस्वती भट्टराईले निर्धारित दुरी २२ मिनेट ०३ सेकेन्डमा पुरा गर्दै च्याम्पियन बनिन् । विर्षना कुमालले २२ मिनेट ०९ सेकेन्डसहित दोस्रो स्थान हासिल गरिन् । २३ मिनेट ३१ सेकेन्डसहित काजल विष्टले तेस्रो तथा २४ मिनेट ०३ सेकेन्डसहित जुनेली सुनारले चौथो स्थान हासिल गरिन् ।

५ किलोमिटर खुला दौडको दुवै तर्फको विजेताले १० हजार, दोस्रोले ६ हजार र तेस्रो हुनेले ४ हजार रुपैयाँ हात पारे ।

५ किलोमिटर मास्टर्समा यमी महर्जनले १९ मिनेट १७ दशमलव ०४ सेकेन्डसहित पहिलो भए । भीम गुरुङ २१ मिनेट २६ दशमलव ५० सेकेन्डसहित दोस्रो तथा कपिल थापा २७ मिनेट १९ दशमलव १५ सेकेन्डसहित तेस्रो भए । महिलामा अनु चित्रकार पहिलो भए ।

ह्वीच चेयर पुरुषमा कृष्ण राज चौधरी १५ मिनेट १९ दशमलव ८४ सेकेन्डसहित पहिलो भए । २० मिनेट ६ दशमलव १७ सेकेन्डसहित सन्देश चौधरी दोस्रो तथा निर बहादुर दाहालले २४ मिनेट ०३ दशमलव १४ सेकेन्डसहित तेस्रो भए ।

महिलामा यमी झाक्री मगरले २१ मिनेट ०८ दशमलव ७६ सेकेन्डसहित पहिलो भए । शर्मिला थोकरले २२ मिनेट २७ दशमलव ६९ सेकेन्डसहित दोस्रो स्थान हासिल गरिन् । ज्योति अर्यालले २८ मिनेट ५८ दशमलव ३९ सेकेन्डसहित तेस्रो स्थान हात पारिन् ।

५ किलोमिटर छात्र-छात्रा तथा ह्विलचियरको विजेताले ५, दोस्रोले ३ र तेस्रोले २ हजार प्राप्त गरे । फेमिली दौडका विजेताले १०, दोस्रोले ५ र दोस्रोले ३ हजार रुपैयाँ प्राप्त गरे ।