5 years ago
October 23, 2019
काठमाडौं (हाम्रो खेलकुद) – नेपाली एथ्लेटिक्स अन्तरगत ट्रयाक एन्ड फिल्डका कीर्तिमानी खेलाडी सोम बहादुर कुमाल एथ्लेटिक्सतर्फको ८०० मिटर दौडको फाइनल राउन्डमा प्रवेश गरेका छन् ।
अन्तर्राष्ट्रिय सैन्य खेल परिषद (सिआइएसएम) को आयोजनामा चीनको वुहानमा जारी विश्व सैन्य खेलकुद अन्तरगतको एथ्लेटिक्सतर्फको ८०० मिटर दौडमा नेपाल तथा नेपाली सेनाका कीर्तिमानी खेलाडी आफ्नो हिटमा दोस्रो स्थानमा रहँदै फाइनल राउन्डमा प्रवेश गर्न सफल भएका हुन् । सोमले निर्धारित ८०० मिटर दुरी १ मिनेट ५० दशमालव ५० सेकेन्डमा पुरा गरे ।
उनको हिटबाट पोल्यान्डका मिचल रोजमिसले १ मिनेट ५० दशमलव ०९ सेकेन्डमा पुरा गरे । इजिप्टका हामदा अहमेद १ मिनेट ५० दशमालव ५३ सेकेन्डका साथ फाइनल राउन्डमा स्थान बनाउन सफल भए ।
फाइनल राउन्ड आज साँझ हुनेछ । यसअघि मंगलबार तुल्सा खत्रीले ४०० मिटर दौड ५९.५७ सेकेन्डमा पुरा गर्दै १० वर्षअघिको कीर्तिमान भंग गरेकी थिइन् । उनले २०१० मा प्रमिला रिजालले ५९.९० सेकेन्डको कीर्तिमान रोखको थियो ।
सोम यो विधामा नेपालको कीर्तिमानी खेलाडी हुन् । उनले गुरु धनीराम चौधरीको १ मिनेट ५०.६० सेकेन्डको राष्ट्रिय कीर्तिमानलाई गतवर्ष भदौमा इन्डोनेसियामा भएको १८औं एसियाली खेलकुदमा १ मिनेट ५०.२५ सेकेन्डमा आफ्नो नाममा लेखाएका थिए ।
सातौ विश्व सैन्य खेलकुदमा नेपाली सेनाले विभिन्न १४ खेलमा प्रतिस्पर्धा गरिरहेको छ ।
March 13, 2025
दिपक बोहोरा, पाँचथर प्रभा आङ्देम्बेले भारतको नयाँदिल्लीमा जारी विश्व पारा एथ्लेटिक्स ग्रान्ड प्रिक्स अन्तर्गत लङजम्पमा रजत पदक जितेकी छन् । बिहीवार भएको खेलमा पाँचथरकी प्रभाले रजत जितेकी हुन् । प्रभा पाँचथर फिदिम ६ सिवा निवासी हुन् ।प्रभाले महिला २ सय , ४ सय मिटर दौड र लङजम्पमा भाग लिएकी छन् । विश्व पारा एथ्लेटिक्स राखेपकी […]
March 8, 2025
हिमाल खरेल, भद्रपुर झापा जिल्लास्तरीय १५ औँ राष्ट्रपति रनिङ सिल्ड खेलकुद प्रतियोगिताको दोस्रो दिन अर्जुनधारा पहिलो स्थानमा उक्लिएको छ । भद्रपुरस्थित मेची रंगशालामा सञ्चालन भइरहेको प्रतियोगिताअन्तर्गत दोस्रो दिन शनिवार खेलहरु सकिँदा एथलेटिक्सतर्फ अर्जुनधारा नगरपालिका अगाडि रहेको छ । एथलेटिक्सको अधिकांश नतिजा सार्वजनिक हुँदा अर्जुनधारा ८ पदकसहित अग्रस्थानमा रहेको एथलेटिक्स प्रशिक्षक गोपाल यादवले जानकारी दिए । […]
March 7, 2025
हिमाल खरेल ,भद्रपुर झापा जिल्लास्तरीय १५ औँ राष्ट्रपति रनिङ सिल्ड प्रतियोगिता आज भद्रपुरस्थित मेची रंगशालामा सुरु भएको छ ।प्रतियोगिताको उद्घाटन कोशी प्रदेशका पर्यटन, वन तथा वातावरणमन्त्री सदानन्द मण्डलले गरे । आयोजक झापा जिल्ला खेलकुद विकास समितिका अध्यक्ष भेषराज भण्डारी ‘प्रशान्त’ को अध्यक्षतामा भएको कार्यक्रममा १५ वटै पालिकाबाट सहभागी खेलाडी छात्रछात्राले मार्चपास गरेका थिए । समितिका […]
