10 years ago
August 5, 2015
भारतको सिलोङ्गमा आयोजना हुने १२ औं दक्षिण एसियाली खेलकुदलाई मध्यनजर राख्दै नेपाल एथलेटिक्स संघले ८ राष्ट्रिय खेलाडीलाई विशेष वैदेशिक प्रशिक्षणमा पठाएकोछ ।
थाइल्यान्डको राजधानी बैंककको थाइ प्रशिक्षण शिविरमा चार पुरुष र चार महिला गरि आठ खेलाडीले ४० दिने विशेष प्रशिक्षण लिने अवसर प्राप्त गरेका छन् ।
नेपाली टोलीलाई संविधान सभाका सभासद् एवं नेपाल एथलेटिक्स कमिटिका अध्यक्ष राजीव शाहले राष्ट्रिय खेलकुद परिषदमा शुक्रबार बिदाई गरे । बैंकक प्रस्थान गर्ने नेपाली एथलेटिक्स टोलीमा सुर्य खत्री (हाइजम्प), डिल्ली खत्री (लङजम्प/ट्रिपलजम्प), आशिष चौधरी (१००/२०० मिटर स्प्रिन्ट), मुक्तीबहादुर खड्का (८०० मि.), सिमा कुमार थारु (जाभलिङ्ग थ्रो), अमृता महतो (थिक्स थ्रो), सरस्वती भट्टराई (८००/१५०० मि.), सरस्वती चौधरी (१००/२०० मि.) रहेका छन् । टिम प्रशिक्षकमा बरिष्ठ प्रशिक्षक विक्रम जंग थापा र राकेश बज्राचार्य तथा टिम ब्यवस्थापकमा सन्तोष श्रेष्ठ त्यस तर्फ जाने भएका छन् ।
प्रशिक्षणको लागि नेपाली टोलीलाई एशियन एथलेटिक्स महासंघको अध्यक्षको पहलमा महासंघले १० हजार डलर र थाई एथलेटिक्स संघबाट ६ हजार डलर सहयोग प्राप्त भएको एथलेटिक्स संघका अध्यक्ष राजीव शाहले जानकारी गराए । अध्यक्ष शाहले टोलीलाई शुभकामना सहित बिदाई गर्दै विशेष प्रशिक्षणले नेपाली खेलाडीहरुको स्तरबृद्धि हुने विश्वास ब्यक्त गरे ।
सो प्रशिक्षण पश्चात खेलाडीहरुले ६ देखि १० सेप्टेम्बर २०१५ मा बैंककमानै आयोजना हुने ६१ औं थाइ ओपन एथलेटिक्स च्याम्पियनसिपमा सहभागीता जनाउने छन् । टोली सोमबार त्यस तर्फ प्रस्थान गर्ने कार्यक्रम रहेकोछ ।
March 23, 2025
काठमाडौं (हाम्रो खेलकुद)- विश्व रनिङको साझा संस्था एसोसियसन अफ इन्टरनेसनल म्याराथन एण्ड डिस्टेन्स रेस(एम्स)को बोर्ड बैठक अर्को वर्ष नेपालमा हुने भएको छ । २०८२ जेठ तेस्रो साता काठमाडौंमा एम्सको बोर्ड बैठक हुने सुनिश्चित भएको नेपालका लागि एम्सका दुत टीएस ठकुरीले बताए । जेठ २१ र २२ गते(जुन ४–५) मा एम्सको बोर्ड बैठक हुनेछ । कुनै […]
March 22, 2025
ललितपुर (हाम्रो खेलकुद)- त्रिभुवन आर्मी क्लबकी सुनसरी रोकायले काठमाडौं पिंक केयराथनमा हाफ म्याराथनको उपाधि जितेकी छिन्। सुनसरीले आज १ घन्टा २० मिनेट ०६ सेकेन्डमा दौड पूरा गर्दै खेल जीवनमा पहिलो हाफ म्याराथन (२१ किलोमिटर) को उपाधि जितेकी हुन् । आर्मीकै निशा सार्कीले १० किलोमिटर र ओलम्पियन सरस्वती भट्टराईले ५ किलोमिटर दौडको उपाधि जितिन् । सम्झना […]
March 17, 2025
हिमाल खरेल, बिर्तामोड भोजपुरको रामप्रसाद राई गाउँपालिकामा बासिखोरा रन २०८१ हुने भएको छ । प्रतियोगिता विभिन्न ४ विधामा हुनेछ । आयोजक तीन सहिद खेलकुद विकास संस्थाका अनुसार चैत ३० गते बासिखोरामा हुने प्रतियोगितामा महिला/पुरुष खुला, यु १८, यु १३ र ४० वर्षमाथिको विधा समावेश गरिएको छ । महिला/पुरुष खुला, यु १८ र ४० वर्षमाथिको समूहमा […]
