बाँके (हाम्रो खेलकुद)– दोस्रो राष्ट्रिय जुनियर एथलेटिक्स प्रतियोगिताको अन्तिम दिन शुक्रबार ७ वटा इभेन्ट्स भएका थिए । खजुरा गाउँपालिका–२, सीतापुरमा सम्पन्न प्रतियोगिताको महिला जेभलिन थ्रो खेलमा सुदूरपश्चिमाञ्चलकी मिना धामीले स्वर्ण पदक जितिन् । उनले २८.५५ मिटर दुरी थ्रो गर्न सफल भइन् । उक्त खेलमा मध्यपश्चिमाञ्चलकी अनिता चौधरीले रजन र पश्चिमाञ्चलकी सुमित्रा थापा कास्य पदक जितिन् ।

पुरुषतर्फको ५ हजार मिटर दौडमा मध्यपश्चिमाञ्चलका नरेश बुढा प्रथम भए । उनले १६ मिनेट ३९.०२ सेकेन्डमा दौड पुरा गरे । सुदूरपश्चिमाञ्चलका सुनिल सुनारले (१६ मिनेट ४२ सेकेन्ड) दोस्रो र सुदुरपश्चिमाञ्चलकै विवेक सुनारले (१७ मिनेट १२.१४) तेस्रा भए ।

महिलातर्फको ५ हजार मिटर दौडमा मध्यमाञ्चलकी राममाया बुढा प्रथम भइन् । उनले २० मिनेट ४४.९ सेकेन्डमा दौड पुरा गरेकी थिइन् । मध्यपश्चिमाञ्चलकै चन्द्रा घर्तीले रजत र सुदुरपश्चिमाञ्चलकी रेखा चन्द कास्य पदक जितिन् ।

पुरुष ट्रिपल जम्पतर्फ मध्यमाञ्चलका भुवन महतो प्रथम, मध्यपश्चिमाञ्चलका सुशील केसी द्वितिय र पश्चिमाञ्चलका प्रकाश थापा तृतिय भए । महिला ट्रिपल जम्पतर्फ मध्यपश्चिमाञ्चलकी पूजा चौधरीले स्वर्ण जित्दा मध्यमाञ्चलकी सन्जिया खातुन रजत र मध्यमाञ्चलकै अनुषा राउत कास्य पदक जितिन् ।

पुरुषतर्फको ज्याभलिन थ्रोतर्फमा सुदूरपश्चिमाञ्चलका रमेश पोख्रेल प्रथम, पूर्वाञ्चलका सन्तराम माझी द्वितिय र पश्चिमाञ्चलका आदर्श शाही तृतिय भए । प्रतियोगितामा महिलातर्फ मध्यपश्चिमाञ्चकी जयरानी थारु र मध्यमाञ्चलका भुवन महतो उत्कृष्ट खेलाडी घोषित भए ।

पदक तालिका

टोली                            स्वर्ण        रजत         कास्य       जम्मा
१. मध्यपश्चिमाञ्चल                      ११          ९             १               २१
२. मध्यमाञ्चल                             ५           ४            ५               १४
३. पश्चिमाञ्चल                              ३           ५            ७               १५
४. सूदुरपशिचमाञ्चल                   ३            ३            ६               १२
५. पूर्वाञ्चल                                  ०            १             ३                 ४