बाँके (हाम्रो खेलकुद) – दोस्रो राष्ट्रिय जुनियर एथलेटिक्स प्रतियोगिता आज खजुरा गाउँपालिका–२, सीतापुरमा सुरु हुँदैछ । खेलकुदलाई ग्रामिण स्तरसम्म पु¥याई पर्यटन प्रवद्र्धन गर्ने उद्देश्यले सीतापुरस्थित शुक्र माविमा जुनियर एथलेटिक्स प्रतियोगिता आयोजना गरिएको नेपाल एथलेटिक्स संघका अध्यक्ष राजीव विक्रम शाहले बताए ।

उनले सहरमा बस्नेहरु काममा ब्यस्त हुने र खेलकुद प्रति चासो नराख्ने भएकोले अव प्रतियोगिताका गाउँ केन्द्रीत हुने हिजो यहाँ आयोजित पत्रकार सम्मेलनमा जानकारी गराए । अध्यक्ष शाहले एथलेटिक्स लगायत अन्य खेलमा थारु समुदायका खेलाडीको सहभागी उल्लेख्य भएको बताउँदै खेल प्रति आकर्षण जगाउन ग्रामिण स्तरमा प्रतियोगिता गर्ने निर्णय लिएको बताए ।

मध्यपश्चिम क्षेत्रीय खेलकुद विकास समितिका अध्यक्ष भीम ओलीले २०७५ सालमा नेपालगन्जमा हुन लागेको आठौँ राष्ट्रिय प्रतियोगितालाई गाउँमा समेत गर्ने योजना अनुरुप दोस्रो एथलेटिक्स प्रतियोगिता खजुराको सीतापुरमा गरिएको बताए । उनले खजुरामा हुन लागेको प्रतियोगिताले पर्यटन प्रवद्र्धनका साथै गाउँमा पूर्वाधार निर्माण र ब्यापार, ब्यवसाय फस्टाउने बताए । उनले भने ‘सहर केन्द्रीत खेलकुदलाई गाउँसम्म पु¥याउने राज्यको नीतिलाई सघाउनु हाम्रो पनि दायित्व हो ।’

११ विधा समेटिएको प्रतियोगितामा २० बर्षमुनीका ९० खेलाडीको सहभागिता रहने बाँके जिल्ला एथलेटिक्स संघका अध्यक्ष विक्रम जङ्ग थापाले बताए । पुस १४ गतेसम्म हुने प्रतियोगितामा सहभागी हुन ५ वटै विकास क्षेत्रका खेलाडी नेपालगन्ज आइसकेको थापाले जानकारी दिए ।

खजुरा गाउँपालिकाका प्रमुख किस्मत कुमार कक्षपतिले खेलकुदलाई विकास सँग जोड्ने गाउँपालिकाको नीति कार्यान्वयनमा एथलेटिक्स प्रतियोगिताले सहयोग पु¥याउने बताए । उनले खजुरा गाउँपालिकालाई नमुना बनाउन राष्ट्रिय स्तरको प्रतियोगिताका लागि गाउँपालिकाले सहयोग गरेको बताए ।

प्रतियोगिता आयोजक सचिवालयका संयोजक यम नारायण महतोका अनुसार प्रतियोगिता शुरु हुनुभन्दा अघि खजुरा क्षेत्रका विद्यालय, वडा पालिकाको कार्यालय, विभिन्न संघसंस्था, यूवा संजाल लगायतले झाँकी प्रदर्शन गर्ने कार्यक्रम तय भएको बताए ।

 ११ इभेन्ट समावेश
प्रतियोगितामा ट्रयाकतर्फ एकसय मिटर, दुईसय, चारसय, ८ सय, १५ सय, ५ हजार र ४ गुने ४ सय मिटर रिले दौड तथा फिल्डतर्फ हाईजम्प, लङजम्प, त्रिपल जम्प, सटफुट, ज्याभलिन थ्रो विधामा प्रतियोगिता हुने आयोजकले जनाएको छ ।

आर्थिक भार कम गर्न र एथलेटिक्सका सवै खेलका लागि खेलाडी नभएकोले प्रतियोगितामा ११ इभेन्टका खेलमात्र हुने प्राविधिक उपसमितिका संयोजक चन्द्र बहादुर गुरुङले जानकारी दिए ।

उनले ५ वटा विकास क्षेत्रबाट ९० जना खेलाडीको सहभागिता रहने बताए । उनले भने, ‘अन्तर्राष्ट्रिय जगतमा हुने युथ तथा जुनियरतर्फका वल्र्ड च्याम्पियनसीप, युथ एशियनच्याम्पियनसीप लगाउत ठूला प्रतियोगिताका लागि छनोट स्पर्धाका रुपमा समेत यो प्रतियोगितालाई लिइएको छ । ’