काठमाडौं (हाम्रो खेलकुद) – नेपाल एपिएफ क्लबका धावक गोपीचन्द्र पार्की र त्रिभुवन आर्मी क्लबकी सरिता बसीले ११ औं संस्करणको काठमाडौं म्याराथनको उपाधि जितेका छन् ।

काठमाडौंमा शनिबार भएको म्याराथनमा गोपीले त्रिभुवन आर्मी क्लबका होमलाल श्रेष्ठलाई ०.४ सेकेण्डले पछि पादै उपाधि जितेका हुन् । निर्धारित ४२.१९५ किलोमिटर गोपीले दुरी २ घण्टा २३.५६ सेकेण्डमा पूरा गरे ।

होमलालले २ घण्टा २४ मिनेटमा दुरी पूरा गरे । अन्तिम ल्याप्ससम्म दोस्रो स्थानमा रहेका गोपीले अन्तिम समयमा होमलाललाई पछि पारेका थिए । आर्मीकै खड्ग बहादुर खड्काले २ घण्टा २५.२५ सेकेण्डमा पूरा गर्दै तेस्रो भए ।

हाफ म्याराथनको पुरुषतर्फ सेनाको वर्चस्व रह्यो । सेनाका कृष्णा बस्नेतले १ घण्टा ८.३२ सेकेण्डमा दुरी पुरा गर्दै पहिलो भए । सेनाकै राजन खत्री १ घण्टा ९.३ सेकेण्डका साथ दोस्रो तथा सेनाकै टकराज कटवाल १ घण्टा ९.५० सेकेण्डका साथ तेस्रो भए ।

महिलातर्फ आर्र्मीका विश्वरुपा बुढा पहिलो भईन् । विश्वरुपाले निर्धारित दुरी १ घण्टा २०.२३ सेकेण्डमा पुरा गरिन् । रेशी बस्नेतले १ घण्टा २५.५३ सेकेण्डका साथ दोस्रो तथा वृन्दा श्रेष्ठले १ घण्टा २७.२४ सेकेण्डका साथ तेस्रो भईन् ।

५ किलोमिटर खुल्ला पुरुषतर्फ अजित यादव पहिलो भए । रामजी बस्नेत दोस्रो तथा रमेश मगराती तेस्रो भए । महिला ५ किलोमिटर खुल्लातर्फ फुलमती राना पहिलो भईन् । सन्तोषी श्रेष्ठ दोस्रो तथा सानुमाया कार्की तेस्रो भईन् ।

५ किलोमिटर स्कुल पुरुषतर्फ सुवास थापा, वैभव विक्रम परियार सुरेन्द्र चापागाई क्रमशः पहिलो देखि तेस्रो भए । ५ किलोमिटर स्कुल गल्र्सतर्फ हुमी बुढा मगर, काजाल विष्ट र अस्मिता श्रेष्ठ शीर्ष तीन स्थानमा रहिन् ।

ह्वीलचेयर ५ किलोमिटर पुरुषतर्फ राम बहादुर तामाङ पहिलो, प्रेम विक दोस्रो र रमेश खत्री तेस्रो भए । महलिातर्फ लाली तामाङ पहिलो, रजनी राई दोस्रो र शर्मिला थोकर तेस्रो भईन् ।