7 years ago
July 26, 2017
पोखरा (हाम्रो खेलकुद) – नेपाल खेलकुद पत्रकार मञ्च समन्वय शाखा कास्कीले पूर्व खेलाडी खड्ग रानाभाटलाई लाइफ टाइम एचिभमेन्ट अर्वाड वाट सम्मानित गर्ने भएको छ । अर्वाडका लागि गठित छनौट समितीले अन्य विद्याका मनोनयन सार्वजनिक गर्ने क्रममा बुधबार रानाभाटलाई सम्मान गर्ने जानकारी दिएको छ ।
यसअघि चार विधामा अवार्ड दिए आएको मञ्चले यसपटक अर्को विधा थप गरेको छ । यो पटक थप गरिएको उत्कृष्ट संघसहित उत्कृष्ट महिला, पुरुष र उदयमान खेलाडी र उत्कृष्ट प्रशिक्षक को मनोनयन मञ्चले सार्वजनिक गरको छ । चार विद्यामा समान ३ जनाको मनोनयन सार्वजनिक गरिएको छ । ती मध्येबाट हरेक विधाका विजेता साउन २१ गते आयोजना हुने अवार्ड कार्यक्रममा घोषणा गरिने मञ्चले बताएको छ ।
वर्षको उत्कृष्ट महिला खेलाडीको मनोनयनमा भलिबलकी अरुणा शाही, फुलकन्ट्याक करातेकी सुष्मी श्रेष्ठ र भारोत्तोलनकी टीका माया गुरुङ छन् । त्यस्तै पुरुषमा क्रिकेटका करण केसी, लन टेनिसका कुमार अधिकारी र ह्यान्डबलका विशाल बस्नेत छन् ।
भलिबल ममता डगौरा तथा एथलेटिक्सका दर्शना वुढा मगर र सागर नेपाली उदयमान खेलाडीको मनोनयनमा परेका छन् । त्यस्तै उत्कृष्ट प्रशिक्षकको मनोनयनमा तेक्वान्दोका सुन वहादुर लामा , भारोत्तोलनका वखतमान श्रेष्ठ र एथलेटिक्सकी इन्द्रा मल्ल छन् ।
लाइफ टाइम एचिभ्मेन्ट अर्वाड वाट सम्मानित हुन लागेका ६९ वर्षिय रानाभाटले १४ वर्षको उमेर २०२० साल वाट आफ्नो खेल जिवन सुरु गरेका थिए । एथलेटिक्स, भलिबल र फुटबलका राष्ट्रिय खेलाडी समेत रहि सकेका उनले१९७० मा थाइल्यान्डको वैंककमा सम्पन्न एसियाडमा ३ हजार मिटरको स्टिपल चेजमा आठौं स्थान प्राप्त गरेका थिए ।
२०४१ सालमा राष्ट्रिय खेलकुद परिषद (राखेप) को मुख्य प्रशिक्षक रहेका रानाभाट २०६८ मा राखेपका सदस्य समेत रहेका थिए । भुतपूर्व खेलाडी मंच नेपालको संस्थापक तथा निवर्तमान अध्यक्ष र हाल नौलो घुम्ती नेपालको अध्यक्ष समेत रहेका रानाभाट विभिन्न खेलकुद लगाएत सामाजिक संघ संस्थामा समेत क्रियाशिल छन ।
मंचका सल्लाहाकार रहेका दिपेन्द्र श्रेष्ठको अध्यक्षता रहेको छनोट समितिले मनोनयन सार्वजनिक गरेको थियो । अवार्ड कार्यक्रमलाई गण्डकी टेलिभिजन र पोखरा टेलिभिजनले प्रत्यक्ष प्रसार गर्ने बताइएको छ ।
गत वर्ष सम्पन्न पहिलो स्पोर्टस् अवार्डमा लाईफ टाईम एचिभमेन्ट अवार्ड फुटबलका वरिष्ठ प्रशिक्षक कृष्ण थापा प्रदान गरिएको थियो । उत्कृष्ट पुरुष खेलाडी हेमन गुरुङ, महिला खेलाडी मञ्जु गुरुङ, उत्कृष्ट प्रशिक्षकमा कराँतेका सुरेन्द्र गुरुङ, उदयीमान खेलाडी अवार्ड एथ्लेटिक्सकी शशी चौधरीले हात पारेका थिए ।
January 14, 2025
नेपालगन्ज (हाम्रो खेलकुद)- विश्व म्याराथनको साझा संस्था एसोसियसन अफ इन्टरनेसनल म्याराथन एण्ड डिस्टेन्स रेस(एम्स)ले नेपालगन्ज म्याराथनका संस्थापक टीएस ठकुरीलाई नेपालका लागि आफ्नो दुत नियुक्त गरेको छ । एम्सका नवनिर्वाचित अध्यक्ष पाको बोराओले हालै ठकुरीलाई नेपालका लागि एम्सको दुत नियुक्त गरिएको मनोनयन पत्र पठाएका हुन् ।‘हामी तपाईंसँगको सहकार्यले विश्वभर रोड रनिङलाई प्रोत्साहन र प्रबद्र्धन गर्ने एम्सको […]
January 6, 2025
काठमाडौं (हाम्रो खेलकुद)- राइट टु प्रोटिन रन हाफ म्याराथनको चौथो संस्करण अर्को महिना आयोजना हुने भएको छ। प्रोटिनजन्य पदार्थमा पहुँच बढाउन जनचेतना फैलाउने उद्देश्यले नेपाल भेटेरिनरी एसोसिएसनको आयोजना राइट टु प्रोटिन हाफ म्याराथन माघ १२ गते हुने सोमवार पत्रकार सम्मेलन मार्फत जानकारी दिइयो। हाफ म्याराथनमा महिला/ पुरुषको हाफ म्याराथन, पुरुष १० किलोमिटर, महिला ५ किलोमिटर, […]
December 7, 2024
नेपालगन्ज ( हाम्रो खेलकुद) – दसौं धारा नेपालगन्ज म्याराथनको उपाधि नेपाली सेनाका खडकबहादुर खड्काले जितेका छन् । ४२ दशमलव १९५ किलोमिटरको दौड शनिवार २ घण्टा १७ मिनेट ४८ सेकेण्डमा पूरा गर्दै खडकले उपाधि जितेका हुन् । म्याराथनमा नेपाली सेनाकै राजन रोकाया दोस्रो र सुशील कुमार तस्रो भए । खडक गत संस्करणका उपविजेता र आठौं संस्करणका […]