दिपक बोहोरा
पाँचथर – दुर्गा माविले अन्तर माध्यमिक बिद्यालय  राष्ट्रपति रनिङ शिल्ड खेलकुद प्रतियोगिताको उपाधि जितेको छ । फाक्तेपमा गाविसमा बिहीबार सम्पन्न प्रतियोगितामा १ सय ७९ अंकका साथ दुर्गा मावि विजयी भएको हो ।
१ सय ४७ अंकसहित रानिटार मावि दोस्रो, घुर्बिसे पञ्चमी मावि (१४५) तेस्रो भएको थियो ।

त्यस्तै जनकल्याण मावि चौथो र आरुबोटे मावि पाँचौं भएको जिल्ला खेलकुद विकास समितिका सचिव मात्रिका दहालले जानकारी दिए । फागुन ६ दखि ८ गते सम्म क्षेत्र नम्बर १ को नागी गाविसमा तथा ११ देखि १३ गते सम्म क्षेत्र नम्बर २ को फात्तेप गाविसमा छनोट प्रतियोगिता आयोजना गरिएको थियो ।

क्षेत्र नम्बर १ बाट १४ बिद्यालय र क्षेत्र नम्बर २ बाट १८ बटा विद्यालयले एथ्लेटिक्स , भलिबल , कबड्डी , कराते र तेक्वान्दो खेलमा प्रतिस्पर्धा भएको पाँचथर जिल्ला खेलकुद विकास समितिले जनाएको छ । यस बर्षको पाँचथरको राष्ट्रपति रनिङ शिल्ड प्रतियोगितामा ग्रामिण भगेगका विद्यालयको सहभागिता भने शून्य रह्यो ।

त्यस्तै सदरमुकाम बाहिर आयोजना भएको राष्ट्रपति रनिङ शिल्ड प्रतियोगितामा सदरमुकाम फिदिमका बिद्यालयहरु पनि सहभागी भएनन् । फिदिम उच्च माविले छनोटमा भाग लियो, तर अन्तिम चरणमा लिएन । बोर्डिङ स्कुलहरु पनि राष्ट्रपति रनिङ शिल्डमा भाग लिएनन् । विद्यालय स्तरबाट खेलाडी उत्पादन गर्ने उद्देश्यका साथ राष्ट्रपति रनिङ शिल्ड प्रतियोगिता आयोजना गरिएपनि पाँचथरमा विद्यालयहरुको सन्तोषजनक नभएको स्थानियवासीहरु बताउँछन् ।

विद्यालयको आर्थिक अवस्था नाजुक रहेको कारणले पनि धेरै बिद्यालय भाग निलएको जिल्ला शिक्षा अधिकारी राजकुमार बि.क बताउँछन् । सोचे अनुरुप विद्यालयको सहभागिता हुन नसकेपछि सदरमुकाम बाहिर व्यवस्थापनका हिसाबले अघिल्लो बर्षहरुमा उत्कृष्ट भएको जिल्ला खेलकुद विकास समितका सचिव दहालको दाबी छ ।