काठमाडौं (हाम्रो खेलकुद)- नेपाल सहित विभिन्न देशमा बस्दै आएका १० नेपाली धावक यसै महिना जापानमा आयोजना हुने टोकियो म्याराथनमा भाग लिने भएका छन्।

नेपाल, अमेरिका, बेलायत र मकाउमा रहँदै आएका नेपालीले टोकियो म्याराथनमा भाग लिने पक्का भएको बताइएको छ ।

नेपालमा जुम्ला रारा आइअल्टिच्युट अल्ट्रा लगायतमा सहभागिता जनाई सकेका धावक शम्भु दाहाल सहित मकाउबाट विरु राई अमेरिकाकाबाट सन्तोष कर्माचार्य, युवराज खनाल र जीत बुढा मगरले टोकियो म्याराथन दौडदै छन् ।

बेलायतबाट बस्दै नेपाली धावकहरु आत्मराम दाहाल, अनु सिग्देल, प्रतिक गौचन, नारायण पन्त, सागर गुरुङतथस नेपाली समुदायसँग निकट रहेका सहित २ जना भारतीय ऋषि अत्री र कुष्ण अत्रीले समेत टोकियो म्याराथन दौडने भएका छन्।

नेपाल रन युकेको संस्थापक समेत रहेकस धावक आत्मराम दाहालका अनुसार पहिलो पटक ठूलो संख्यामा नेपालीले टोकियो म्याराथनमा भाग लिन लागेका हुन् ।

जापान तथा विश्वभरका हजारौं धावक सहभागिता रहने म्याराथनमा गोलाप्रथा तथा प्रायोजकको सिफारिसका आधारमा मात्र सहभागिता हुन सकिने प्रावधान रहेको बताइन्छ ।

फागुन १८ गते बिहान टोकियो सिन्जुकु शहरबाट सुरु भएर टोकियो स्टेसनमा सकिने बताइएको छ । १० नेपालीले म्याराथनमा प्रतिस्पर्धा गर्नेछन्।

नेपाली धावकलेले आफूहरुको हौसलाका लागि देशको झण्डा सहित सहभागी हुने जापानबासी नेपालीलाई आग्रह गरेका छन्।