ओलम्पियन सन्तोषीलाई सूर्योदयको सम्मान

काठमाडौं (हाम्रो खेलकुद)- ओलम्पियन सन्तोषी श्रेष्ठलाई सूर्योदय सेकेण्डरी बोर्डिङ स्कुलले नगदसहित शुक्रवार सम्मान गरेको छ।

स्कुलको खेलकुद दिवसका अवसरमा १३ औं दक्षिण एसियाली खेलकुद (साग) की स्वर्ण पदक विजेता सन्तोषीलाई सूर्योदयका संस्थापक प्रिन्सिपल लक्ष्यबहादुर के. सी. ले १० हजार रुपैयाँ र कदर पत्रले सम्मान गरे।

सन् २०१९ मा स्वदेशमा‌ आयोजना भएको १३औं सागको १० हजार मिटर दौडमा स्वर्ण पदक जितेकी सन्तोषीले फागुन ३ गते सफल पोखरा म्याराथनमा हाफ म्याराथन च्याम्पियन बनेकी थिइन् ।

सम्मानपछि सन्तोषीले खेलकुदको महत्वको बारेमा अनुभव सुनाउँदै खेलकुदबाट पनि जीवनयापनको अवस्था बन्ने क्रममा रहेको बताइन् । कार्यक्रममा अभिभावक, विद्यार्थीको सहभागिता थियो।