हेटौंडा (हाम्रो खेलकुद)- कन्चनपुरका मुकेश पालले खुल्ला राष्ट्रिय पुरुष हेटौंडा रन–२०८० को उपाधि जितेका छन् ।

हेटौंडा उपमहानगरपालिकाको सहयोग तथा नगर खेलकुद विकास समितिको आयोजनामा शुक्रबार हेटौंडामा भएको ५ किलोमिटर दौड १५ मिनेट २२ सेकेन्डमा पार गर्दै मुकेशले उपाधि जितेका हुन्। उनले ६० हजार रुपैयाँ प्राप्त गरे ।

जुम्लाका दुर्गाबहादुर बुढा दोस्रा र काठमाडौंका सञ्जय श्रेष्ठ श्रेष्ठ तेस्रा भए । १८ जिल्लामा ९२ जनाले भाग लिएको दौडमा जुम्लाका दुर्गाले १५ मिनेट २४ सेकेन्डमा दूरी पूरा गरे । उनले ५० हजार रुपैयाँ प्राप्त गरे ।

हेटौंडाको मु्ख्य चौक बुद्ध चौकबाट सुरु भएको दौंड पारिजात पथ हुँदै पुनः बुद्ध चौकमा आउँने दौड प्रतियोगितामा काठमाण्डौका सञ्जयले १५ मिनेट ३० सेकेण्डमा निर्धारित दूरी पार गरेका हुन्। सन्जय ४० हजार रुपैयाँ पुरस्कार प्राप्त गरे ।

चौथो भएको काठमाण्डौंका टंक कार्की र पाँचौं दाङका नागेश्वर ऐरीले समान १० हजार रुपैयाँ प्राप्त गरे ।

विजयी खेलाडीलाई हटौंडा उपमहानगरपालिकाका नगर प्रमुख मीनाकुमारी लामा, नगर उपप्रमुख राजेश बानियाँ र प्रमुख प्रशासकिय अधिकृत शिवराज चौलागाईले पुरस्कार बितरण गरेका थिए ।

प्रतियोगिताका सहभागी हेटौंडा–२ का ६९ बर्षिय प्रेमजी श्रेष्ठलाई सम्मान गरिएको थियो ।