२ सय मिटर दौडमा यम र कृष्णालाई स्वर्ण

इटहरी – (हाम्रो खेलकुद) – सातौ राष्ट्रिय खेलकुद अन्तर्गत एथेलेटिक्सको २०० मेटर दौडमा पुरुष तर्फ मध्यपश्चिमका यमसजन सुनारले भने महिला तर्फ नेपाल आर्मीकी कृष्णा चौधरीले स्वर्ण जितेका छन ।

इटहरीस्थित इटहरी रंगशालामा निर्धारित दुरी २१ दशमलब ७० सेकेण्डमा पुरा गर्दै सुनारले स्वर्ण पदक जितेका हुन् । सुनारले यसअघि एक सय मिटर दौडमा पनि स्वर्ण पदक जितेका थिए ।

यसैगरी सशस्त्र प्रहरीका आशिष चौधरीले नेपाल आर्मीका आनन्द चौधरीलाई पछी पार्दै २२ दशमलब २२ सेकेण्डका साथ रजत पदक जिते । चौधरीले २२ दशमलब २४ सेकेण्डका साथ कास्य पदक जितेका छन् ।

२ सय मिटरको महिलातर्फ नेपाल आर्मीकी कृष्णा चौधरीले स्वर्ण जित्दा निर्धारित दुरी २६ दशमलब ९० सेकेण्डमा पार गरेकी हुन । यस्तै आर्मीकै संगिता मेचेले २७ दशमलब ७२ सेकेण्डका साथ रजत र मध्यपश्चिमाञ्चल विकास क्षेत्रकी प्रमिला थारुलिे २७ दशमलब ७३ सेकेण्डका साथ कास्य पदक जित्न सफल भइन