पोखरा (हाम्रो खेलकुद)– नेपाल एपिएफ क्लबकी धाविका पुष्पा भण्डारी नवौं राष्ट्रिय खेलकुदका क्रममा घाइते भएकी छन् । एथलेटिक्सअन्तर्गत मंगलबार महिला म्याराथनमा दौडिरहेको समयमा खुट्टामा चोट लागेर घाइते भएकी हुन् ।

म्यराथनको करिब २० किलोमिटर दूरी पार गर्ने क्रममा उनको खुट्टा फ्याक्चर भएको हो । झन्डै २० कीलोमिटर पार गर्दै थिँए,खुट्टा दुख्यो,’ नवौं महिला १० किलोमिटरमा कास्य पदक जितेकी पुष्पाले, ‘सुरुमा दुखाई हुँदा महसुस गरिन । पछि दौडन नै नसक्ने भए । अनि छाडे।’ उनको पोखरास्थित अन्नपूर्ण हस्पिटलमा उपचार गरिएको छ । उनको गोलीगाँठो भन्दा तलको भागमा केही समस्या देखिएकाले पलास्टर गरिएको उपचारमा संलग्न चिकित्सकले बताएका छन् ।

३ वर्षअघि स्वदेशमा आयोजना भएको १३ औं दक्षिण एसियाली खेलकुद (साग) मा पुष्पाले २ घण्टा ५० मिनेट ११ सेकेन्डमा म्याराथन पूरा गर्दैे रजत पदक जितेकी थिइन् । सागमा महिला म्याराथनमा पदक जित्ने उनी पहिलो नेपाली हुन् । यसपटक सागमा भन्दा समयमा सुधार गर्ने लक्ष्य राखेपनि चोटका सपना पूरा हुन नसककेको बताइन् ।

नवौंको म्याराथनमा एपिएफकै विन्द्रा धन्के श्रेष्ठ देशारले स्वर्ण, त्रिभुवन आर्मी क्लबकी विश्वरुपा बुढाले रजत र नेपाल प्रहरीकी रेखा विष्टले कास्य पदक जितेकी थिइन् । राष्ट्रिय खेलकुदको म्यााथनमा पहिलो सहभागितामै स्वर्ण पदक जितेकी विन्द्राले २ घन्टा ५७ मिनेट २३ सेकेन्डमा पूा गरेकी थिइन् । म्याराथनमा पहिलो सहभागितामै विश्वरुपाले ३ घन्टा ३५ सेकेन्डको समय निकालिन् । रेखाको समयमा ३ घन्टा १ मिनेट ३५ सेकेन्डको समय रह्यो ।