सातौं राष्ट्रिय खेलकुदमा हरिले जिते पहिलो स्वर्ण पदक

दिपेन्द्र पोखरेल विराटनगर – सातौं राष्ट्रिय खेलकुदको औपचारिक सुरुआत पछि स्वर्ण पदक जित्ने त्रिभुवन आर्मी क्लबका हरिकुमार रिमाल पहिलो खेलाडी बनेका छन् ।

फाइल तस्बिर : हरी कुमार रिजाल

इटहरी रंगशालामा शनिबार भएको १ हजार ५ सय मिटर दौडमा उनले स्वर्ण पदक जितेका हुन् । यसै बर्ष रियो ओलम्पिकमा समेत भाग लिएका हरिले ४ मिनेट ४.३८ सेकेन्डमा दौड पुरा गर्दै पहिलो स्थान प्राप्त गरेका हुन् ।सेनाकी छत्रबहादुर दहालले ४ मिनेट ४.७३ सेकेन्डका दोस्रो स्थान हासिल गरे ।

नेपाल पुलिसका करण खड्का (४ मिनेट ११.४५ सेकेन्ड) तेस्रो भए । सातौं राष्ट्रिय खेलकुदको शुक्रबार राष्ट्रपति विद्यादेवी भण्डारीले उद्घाटन गरेकी थिइन् । औपचारिक सुरुआत शुक्रबार भएपनि केही खेल भने यसअघि नै सम्पन्न भइसकेका छन् । शारीरिक सुगठन, पौडी, ट्रायथोलन र एथलेटिक्सको म्याराथन यसअघि नै सम्पन्न भइसकेका छन्, तीनको पदकलाई पनि यसमै गणना गरिनेछ ।

पुरुष भलिबल सातौं राष्ट्रिय खेलकुदको दोस्रो दिन शनिबार पुरुष भलिबलमा नेपाल पुलिस क्लबले जित हासिल गरेको छ । पुलिसले इटहरीमा भएको खेलमा मध्यमाञ्चल ३–१ ले हराएको थिययो । पहिलो सेट २१–२५ ले गुमाएको पुलिसले पछिल्ला तीन सेट २५–१७,२५–१७,२५–१४ ले जितेको थियो ।