काठमाडौं (हाम्रो खेलकुद) – इन्डोनेसियाको जाकार्ता र पालेङवाङमा सम्पन्न १८औं एशियाली खेलकुदमा नेपाललाई एक मात्र पदक जिताउन सफल प्याराग्लाइडिङका खेलाडी, प्रशिक्षक, व्यवस्थापक र संघलाई राष्ट्रिय खेलकुद परिषदले सम्मन गरेको छ ।  सोमबार राष्ट्रिय सभागृहमा आयोजना भएको सम्मान कार्यक्रममा युवा तथा खेलकुद मन्त्री जगतबहादुर सुनारले खेलाडीहरुलाई प्रशंसा पत्र सहित नगदले सम्मान गरेका हुन् ।

बिजयी खेलाडीहरुले नगद ५ लाख, प्रशिक्षकले ३ लाख, सहायक प्रशिक्षकले १ लाख ५० हजार र संघले नगद ६ लाख प्राप्त गरे ।
नेपाली प्याराग्लाइडिङले पहिलो सहभागीतामानै नेपालको लागि पदक दिलाउन सफल भएको थियो । नेपालले प्याराग्लाईडिङको क्रसकन्ट्रिमा रजत पदक हात पारेको हो । टिम ईभेन्ट्समा एशियाली खेलकुदमा पदक प्राप्त गरको यो नै पहिलोपटक हो ।

उक्त पदक जित्ने टोलीमा कप्तान बिमल अधिकारी, बिशाल थापा, सुशिल गुरुङ, बिजय गौतम तथा युकेश गुरुङ रहेका थिए ।
यसअघि खेलाडीहरुलाई बाजा गाजासहित बग्गीमा राखेर राखेप त्रिपुरेश्वर देखि न्यूरोडगेट, रत्नपार्क हुंदै कार्यक्रम स्थल राष्ट्रिय सभागृह लगिएको थियो ।

खेलाडीहरुलाई बधाई दिंदै मन्त्री सुनारले अपेक्षाकृत सफलता हात पार्न नसकेको र एक रजत पदकमानै चित्त बुझाउनु परेको भन्दै त्यसको समिक्षा गर्ने बताए । खेलकुदको हालको तयारी र पूर्वाधारमा खासै ठुलो उपलब्धि अपेक्षा नगरेको भन्दै जुन खेलबाट मेडलको आशा गरिएको थियो त्यसबाट बिमुख हुनु परेको बताए ।

पूर्वाधार र पर्याप्त लगानीनै उपलब्धिको आधार भएको मन्त्री सुनारले बताए । पाराग्लाईडिङ्गमा राज्यको लगानी नभएको भन्ने गुनो प्रति स्पष्ट पार्दै मन्त्री सुनारले मन्त्रालयको ध्यान यस खेल तर्फ गईसकेको बताए । खेलाडीहरुले जुन किसिमको उचित बाताबरण प्राप्त गर्नु पर्ने हो त्यो उपलब्ध हुन नसकेको बताए । हाम्रो जस्तो बिकसित देशलाई बिश्वसामु चिनाउने एक मात्र माध्ययम खेलकुद क्षेत्र भएको बताए ।