7 years ago
May 8, 2018
काठमाडौं (हाम्रो खेलकुद)– नेपाल वादोरियो कराते डो संघले विभिन्न अन्तर्राष्ट्रिय कराते प्रतियोगितामा पदक जित्न सफल आफ्ना खेलाडीलाई मंगलबार सम्मान गरेको छ । जापानमा भएको १२ औं सिजी निसिमुरा अन्तर्राष्ट्रिय करातेका स्वर्ण विजेता विकबहादुर थामी, रजत विजेता रिमला राई र कांस्य विजेता पुरुषोत्तम पोखरेल सम्मानित भए ।
त्यस्तै भारतको राजस्थानमा भएको इमास एसियाली खुला कुमुते प्रतियोगिताका स्वर्णधारी चित्रप्रसाद श्रेष्ठ, एलोन श्रेष्ठ, कुइसाङ लामा, मिङमार लामा, सुस्मिता वाईबा, साजन दोङ, सागर चौलागाईं, नवराज पुरी, युवराज पुरी र रमिता माझीलाई सम्मान गरिएको छ ।
रजत विजेता सुजन मल्ललाई पनि सम्मान गरियो । उक्त प्रतियोगितामा नेपाल १० स्वर्ण र १ रजतसाथ टिम उपविजेता भएको थियो । व्यवस्थापक नेत्रबहादुर भुजेल पनि सम्मान गरियो । युवा तथा खेलकुद मन्त्री जगतबहादुर सुनार, राष्ट्रिय खेलकुद परिषद्का सदस्य–सचिव केशवकुमार विष्टलगायतले सम्मान गरेका थिए ।
सोही अवसरमा संघको आयोजनामा तेश्रो अन्तर्राष्ट्रिय कराते प्रतियोगिता बैशाख ३० गतेदेखि हुने पनि जानकारी दिइयो । प्रतियोगितामा ९ राष्ट्रको सहभागिता निश्चित भइसकेको नेपाल कराते महासंघका महासचिव समेत रहेका आयोजक संघका अध्यक्ष हरिशरण केसीले जानकारी गराए । बसुन्धारामा हुने दुईदिने प्रतियोगितामा ४ सय ९५ खेलाडीले विभिन्न ३७ स्पर्धामा प्रतिस्पर्धा गर्नेछन् ।
November 21, 2024
काठमाडौं (हाम्रो खेलकुद)- नेपालका नम्बर एक एमेच्योर गल्फर सदभाव आचार्यले २८औं संस्करणको फाल्डो जुनियर टुर युरोप ग्रान्ड फाइनल अन्तर्गत यु-२१ तर्फको उपाधि जितेका छन्। नेपालले फाल्डो सिरिज ग्रान्ड फाइनलमा उपाधि जितेको यो पहिलो पटक हो। सदभाव ओभरअलतर्फ दोस्रो भए।युएईको आबुधाबीस्थित अल आइन इक्वेसटेरियन सुटिङ एण्ड गल्फ क्लबमा भएको प्रतियोगिताको अन्तिम दिन बिहीवार १-अन्डर ६९ स्कोर […]
November 21, 2024
काठमाडौं (हाम्रो खेलकुद)- नेपाल ओलम्पिक कमिटी (एनओसी) का महासचिव निलेन्द्रराज श्रेष्ठले अध्यक्ष पदमा उम्मेदवारी घोषणा गरेको छ। एनओसीको निर्वाचन मिति औपचारिक रुपमा सार्वजनिक नहुँदै श्रेष्ठले बिहीवार अध्यक्षमा उम्मेदवारी दिने घोषणा गरेका छन्। एनओसीका वर्तमान अध्यक्ष जीवनराम श्रेष्ठको प्यानलबाट महासचिवमा निर्वाचित भएका थिए। उम्मेदवारी घोषणा गर्ने क्रममा श्रेष्ठले भनेका छन्,‘यस घोषणासँगै, मेरो उद्देश्य नेपालको खेलकुद क्षेत्रको […]
November 17, 2024
काठमाडौं (हाम्रो खेलकुद)- नेपालका नम्बर एक एमेच्योर गल्फर सदभाव आचार्य, जयवीर आचार्य र आइसटिना टण्डनले २८औं संस्करणको फाल्डो जुनियर टुर युरोप ग्रान्ड फाइनलमा नेपालको प्रतिनिधित्व गर्ने भएका छन्। युएईको आबुधाबीस्थित अल आइन इक्वेसटेरियन सुटिङ एण्ड गल्फ क्लबमा मंगलवार सुरु हुने प्रतियोगितामा भाग लिन जाने खेलाडीलाई नेपाल गल्फ संघले बिदाइ गरेको छ। संघका उपाध्यक्ष पवित्र कुमार […]
