7 years ago
April 4, 2018
काठमाडौं (हाम्रो खेलकुद)– तीन नेपाली खेलाडीले विश्व जुनियर तेक्वान्दो च्याम्पियनसिप र युथ ओलम्पिक छनोटमा प्रतिस्पर्धा गर्ने भएका छन् । दुवै प्रतियोगिता ट्युनिसियामा हुने नेपाल तेक्वान्दो संघले जनाएको छ । युथ ओलम्पिक छनोट बिहीबार सुरु हुने बताइएको छ ।
नेपाली खेलाडी आशया लामाले ४९ केजी तथा कपिल थापाले ५९ केजीमा तथा शैलेश गिरीले ४८ केजीमा प्रतिस्पर्धा गर्नेछन् । उनीहरुले अप्रिल ९ देखि १३ सम्म हुने विश्व जुनियर च्याम्पियनसिपमा पनि नेपालको प्रतिनिधित्व गर्नेछन् । टोलीको प्रशिक्षक एवंम् व्यवस्थापकमा संघका सदस्य श्याम डंगोल रहेका छन् । टोलीलाई संघका सचिव एवंम् तेक्वान्दोका सहायक मुख्य प्रशिक्षक नवीनकुमार श्रेष्ठले विदाई गरेका थिए ।
यसैबीच, ट्युनिसियामा बिहीबार हुने विश्व तेक्वान्दो महासंघको महासभामा भाग लिन नेपाल तेक्वान्दो संघका अध्यक्ष प्रकाश सम्शेर राणा र महासचिव दीपकराज गुरुङ त्यसतर्फ प्रस्थना गरेका छन् । महासंघका २ सय ९ राष्ट्रका प्रतिनिधिको सहभागिता रहने महासभामा नेपाली तेक्वान्दोको गतिविधि, अहिले सम्मको सफलता र भावि योजनाका विपयामा श्रव्यदृश्य प्रस्तुत दिने कार्यक्रम तय रहेको संघले जनाएको छ ।
December 14, 2024
काठमाडौं (हाम्रो खेलकुद)- मलेसियामा हुने एफआइएच वर्ल्ड युथ हक्की फाइभ क्याम्प तथा फेस्टिबलमा सहभागी हुन १० खेलाडीसहित १३ सदस्यीय नेपाली हक्की टोली आइतवार त्यसतर्फ जाने भएको छ । पुस २ देखि ६ गतेसम्म हुने क्याम्पमा सहभागी हुने खेलाडीमा अनुष्का थापा, रोनशकुमार यादव, सुदिप चौधरी, बन्दना भट्ट, सविना राजवंशी, विवेक विक, सुजल महर्जन, रोशन परियार, सुशान्त […]
December 10, 2024
काठमाडौं (हाम्रो खेलकुद)- हंगेरी बुढापेस्टमा सुरु भएको हुने विश्व एक्वेटिक्स पौडी च्याम्पियनसिपमा नेपाली खेलाडीले भाग लिने भएका छन्। राष्ट्रिय खेलकुद परिषद्का सदस्य–सचिव टंकलाल घिसिङले मंगलवार पौडी टोलीको बिदाइ गरे । प्रतियोगिता मंगलवार सुरु भएर पुस १ गते सम्म चल्ने बताइएको छ। महिलामा अनुशिया तण्डुकार र डुवाना लामाले तथा पुरुषमा अजलकाजी ताम्राकार र अथर्व सिंह तथा […]
December 6, 2024
काठमाडौं (हाम्रो खेलकुद)- दसौं राष्ट्रिय खेलकुद २०८१ साल चैतमा कर्णाली प्रदेशमा हुने भएको छ । राष्ट्रिय खेलकुद चैतको २३ देखि ३० गते हुने राष्ट्रिय खेलकुद परिषद् (राखेप) ले जनाएको छ। राखेपका अध्यक्ष युवा तथा खेलकुद मन्त्री तेजुलाल चौधरीको अध्यक्षतामा शुक्रवार बसेको १ सय १८ औं बोर्ड बैठकले उक्त निर्णय गरेको राखेपका सदस्य–सचिव टंकलाल घिसिङले जानकारी […]
