पोखरा (हाम्रो खेलकुद) – नेपालले पाकिस्तानको फैसलावादमा आयोजना हुने आइएचएफ ट्रफी अन्तराष्ट्रिय ह्याण्डबलमा भाग लिने भएको छ । प्रतियोगितामा भाग नेपाली खेलाडी खेलाडीसहितको टोलीलाई मंगलबार पोखरामा विदाई गरियो । प्रतियोगिता मार्च १० देखि १५ सम्म आयोजना हुने नेपाल ह्याण्डबल संघले जानकारी दियो ।

प्रतियोगितामा नेपालका १९ बर्ष र २१ बर्ष मूनिको टोलीले प्रतिस्पर्धा गर्नेछ । टोलीको नेतृत्ग नेपाल ह्याण्डबल संघका अध्यक्ष एवम नेपाल आलेम्पिक कमितीका सदस्य तेज बहादुर गुरुङले गर्नेछन् । टोलमिा खेलाडी, प्रशिक्षक र व्यवस्थापक गरि ४० जना रहेका छन् । नेपाली टोली हवाई मार्ग हुँदै पाकिस्तान पुग्नेछ ।

कास्की जिल्ला ह्याण्डवल संघको आयोजनामा भएको विदाई कार्यक्रममा प्रदेश नम्बर ४ का सांसद मोहन रेग्मीले टोलीको विदाई गर्दै खेलाडीलाई अनुशासित रुपमा खेल्न आग्रह गरे । उनले राष्ट्रिय झण्डालाई अन्तराष्ट्रिय खेल जगतमा माथी उठाउन आफ्नो शसक्त खेल प्रर्दशन गर्न टोली सफल हुने विश्वास व्यक्त गरे ।

नेपाल ह्याण्डबल संघका सचिव केशब पाठक, कास्की जिल्ला ह्याण्डबल संघका जिल्ला अध्यक्ष जग बहादुर गुरुङ, वरिष्ठ उपाध्यक्ष चित्र थापा, सचिव टेक बहादुर गुरुङ र खेलाडीका अभिभावकहरुले विदाई गरेका थिए ।

यसैबीच, राखेप च्याम्पियनसिप अन्र्तगत पुष १९ देखि २२ मा पोखरामा सम्पन्न ९ औं महिला तथा १८ पुरुष राष्ट्रिय ह्याण्डबल प्रतियोगिताको समेत उक्त कार्यक्रममा आय व्यय सार्वजनिक गरिएको छ । कास्की जिल्ला ह्याण्डबल संघका कोषाध्यक्ष इन्द्र बहादुर गुरुङले प्रतियोगिताबाट १ लाख १३ हजार ४ सय ९२ रुपैंया बचत गर्न जानकारी दिए ।

२० लाख ६० हजार २ सय ९५ आम्दानी भउको प्रतियोगितामा १९ लाख २८ हजार ८ सय ३ रुपैया खर्च भएको जानकारी दिइयो । बचत रकममध्ये ९७ हजार २ सय रुपैया नेपाल ह्याण्डबल संघ र बाँकी रहम जिल्ला संघमा रहने बताइयो ।