7 years ago
February 14, 2018
काठमाडौं (हाम्रो खेलकुद)– मायांका राणा नेपाली टेनिसको इतिहासमा आईटीएफ जुनियर विश्व ¥याङकिङ प्रतियोगिताको महिला सिंगल्सको क्वाटरफाइनलमा पुग्ने पहिलो नेपाली खेलाडी बनेकी छिन् ।
सातदोबाटोस्थित टेनिस कोर्टमा जारी नेपाल आईटीएफ जुनियर यु–१८ टेनिस प्रतियोगिताको सर्किट–२ अन्तर्गत बुधबार भएको खेलमा आफ्नै देशकी आइरा रावतलाई ६–१ र ६–२ को सोझो सेटमा पराजित गर्दै क्वार्टरफाइनल पुग्ने पहिलो महिला खेलाडी बनेकी हन् ।
प्रतियोगितामा मायांका बाहेक अन्य सबै नेपाली खेलाडीको चुनौती समाप्त भइसकेको छ । क्वाटरफाइनलमा मायांकाको भेट भारतकी प्रिंकल सिंहसंग हुनेछ । प्रिंकलले जापानकी रिको कामीकुरालाई ६–४ र ६–२ को सोझो सेटमा हराउदै क्वाटरफाइनलमा स्थान सुरक्षित गरेकी थिइन् ।
मायांका डबल्समा भने पराजित भइन । ताइपेईकी स्किया कुङ र हङकङकी चुइ केई लिउङको जोडीले मायांका र जुम्ल्याहा बहिनी माहिकाको जोडीलाई ६–० र ६–२ को सीधा सेटमा हराए । महिला सिंगल्सको अन्य खेलमा जापानकी मियो कोजाकीसँग नेपालकी माहिका राणा ६–३ र ६–१ को सेटमा पराजित भईन् ।
अखिल नेपाल लनटेनिस संघको आयोजनामा भइरहेको प्रतियोगिताको पुरुष डबल्समा सेमिफाइनल समीकरण तयार भएको छ । महिला डबल्समा भने तीन जोडी सेमिफाइनल पुगिसकेका छन् भने एक खेल समय अभावले गर्दा सम्पन्न हुन सकेन ।
January 6, 2025
काठमाडौं (हाम्रो खेलकुद)- राइट टु प्रोटिन रन हाफ म्याराथनको चौथो संस्करण अर्को महिना आयोजना हुने भएको छ। प्रोटिनजन्य पदार्थमा पहुँच बढाउन जनचेतना फैलाउने उद्देश्यले नेपाल भेटेरिनरी एसोसिएसनको आयोजना राइट टु प्रोटिन हाफ म्याराथन माघ १२ गते हुने सोमवार पत्रकार सम्मेलन मार्फत जानकारी दिइयो। हाफ म्याराथनमा महिला/ पुरुषको हाफ म्याराथन, पुरुष १० किलोमिटर, महिला ५ किलोमिटर, […]
January 3, 2025
काठमाडौं (हाम्रो खेलकुद)- दोस्रो ई–स्पोर्टस राष्ट्रिय च्याम्पियनसिप फागुनमा आयोजना हुने भएको छ । इ–स्पोर्टस संघ नेपाल (इशान) ले शुक्रवार राजधानीमा पत्रकार सम्मेलन गर्दै च्याम्पियनसिप फागन ८ देखि १० गतेसम्म काठमाडौंमा आयोजना हुने जानकारी गराएको छ । च्याम्पियनसिपमा ई–फुटबल, मोबाइल लिजेण्ड्स, पब्जी मोबाइल, डोटा टू, भ्यालोरेन्ट र कस प्ले गरी ई–स्पोर्टको ६ विधा समावेश गरिएको इशानका […]
January 3, 2025
काठमाडौं (हाम्रो खेलकुद)- राष्ट्रिय खेलकुद परिषद (राखेप) ले नेपाल ओलम्पिक कमिटी (एनओसी) को निर्वाचनमा भाग वा नलिएका सबै २७ राष्ट्रिय संघलाई शुक्रवार स्पष्टीकरण सोधेको छ। सर्वोच्च अदालतको आदेशको अवज्ञा गर्दै शनिवार अनलाइनमार्फत भएको निर्वाचनमा एनओसीमा आबद्ध २० संघका प्रतिनिधिले मतदान गरेका थिए। निर्वाचनमा भाग लिए वा नलिएका सबै संघलाई राखेपले ३ दिन भित्र स्पष्टीकरण बुझाउन […]
