1 month ago
February 28, 2025
काठमाडौं (हाम्रो खेलकुद)- चौथो कृष्ण प्रसाद भट्टराई स्मृति राष्ट्रिय कराते प्रतियोगिताको पहिलो दिन शुक्रवार नेपाल पुलिस क्लबले दबदबा कायम गरेको छ ।
४ वटा काता र एउटा कुमुतेमा गरी भएको कुल ५ स्वर्णको छिनोफानो हुँदा पुलिसले ४ स्वर्ण पदक हात पार्यो।
सातदोबाटोस्थित कराते एकेडेमीमा भएको पुरुष एकल कातामा पुलिसका सोनिम मानन्धरले स्वर्ण जिते। उनले फाइनलमा त्रिभुवन आर्मी क्लबका विनय लिम्बुलाई हराए।
स्वर्ण जित्ने क्रममा सोनिमले ४५.३ स्कोर गरे। विनयले ४१.९ स्कोर मात्र गरे। गण्डकी प्रदेशका वसन्त परियार र एपिएफ क्लबका मनुष कार्कीले कास्य पदक हात पारे।
महिला एकल कातामा आर्मीकी सानुमाया थिङ्ग पहिलो भइन्। उनले आफ्नै बहिनी एलिना थिङ्गलाई हराउँदै स्वर्ण जितिन्। उनले ४१. ८ स्कोर जोडिन्।
बागमतीकी एलिनाले ४०.६ स्कोरमा दोस्रो स्थानमा चित बुझाइन्। सानुमायाले क्वाटरफाइनलमा तीन पटककी राष्ट्रिय च्याम्पियन एलिसा रासकोटीलाई हराएकी थिइन्।
कातामा पुलिसको वर्चस्व रहँदा पुरूष र महिला दुवै टिम कातामा स्वर्ण पदक प्राप्त गर्यो। पुरुष टिम कातामा सोनिम मानन्धर, फुर्तेन तामाङ र जगत सिंह धानुकले ४२. २ स्कोरका साथ स्वर्ण जिते। बागमतीका अमृत थोकर, राज कुमार श्रेष्ठ र प्रनिल मानन्धरले ४०.९ स्कोर बनाएर रजत हात पारे।
महिला टिम कातामा पुलिसका तपी थापा, मेगा लिम्बु र एलिसा रासकोटीले ४१.६ स्कोरमा स्वर्ण जिते। एपिएफका सोनाम शेर्पा, बन्दना तामाङ र सान्सु देशारले ३९.८ स्कोरमा रजत हात पारे।
कुमुतेतर्फ पुरुष ५५ केजी तौल समुहमा पुलिसका इलोन श्रेष्ठले स्वर्ण पदक जिते। उनले फाइनलमा एपिएफका यम बहादुर समाललाई ९-१ को सहज नतिजामा हराए। आज कुमुतेमा एक बाउट मात्र भएको थियो।
नेपाल कराते महासंघ जिल्ला प्रमुख डोजो ललितपुर लगनखेलको आयोजनमा आइतवारसम्म चल्ने प्रतियोगितामा महिला र पुरुषमा गरि कुल १७ वटा इभेन्ट्समा प्रतिस्पर्धा हुनेछ।
प्रतियोगितामा सात वटै प्रदेश र ३ विभागीय (सेना, प्रहरी, एपिएफ) गरि २ सय १० खेलाडीको सहभागिता छ।
कुमुतेमा महिलातर्फ ४५, ५०,५५,६१,६८ केजी मुनि, ६८ केजी माथि तथा पुरुषतर्फ ५०, ५५,६०,६७,७५,८४ केजी मुनि र ८४ केजीमाथि प्रतिस्पर्धा हुनेछ। त्यस्तै महिला पुरुषमा एकल र टिम काता पनि समावेश छ।
यो प्रतियोगितामा स्वर्ण, रजत र कास्य पदक प्राप्त गर्ने खेलाडी सिधै राष्ट्रिय कराते टोलीको छनोट राउन्ड रोविनमा खेल्न पाउने नेपाल कराते महासंघले बताइसकेको आयोजकले जनाएको छ।
April 3, 2025
काठमाडौं (हाम्रो खेलकुद)- पारा विश्व पौडी सिरिजमा नेपालका २ खेलाडीले प्रतिस्पर्धा गर्ने भएका छन् । जापानको फुजी सिजुकामा चैत २५ देखि ३० गतेसम्महुने प्रतियोगितामा १ महिला र १ पुरुष खेलाडीले नेपालको चुनौती प्रस्तुत गर्ने छन् । पुरुषमा हर्कमान घर्तीले ४ तथा महिलामा समना गैरेले २ स्पर्धामा प्रतिस्पर्धा गर्ने छन् । हर्कले १ सय मिटर फ्रिस्टायल, […]
March 23, 2025
काठमाडौं (हाम्रो खेलकुद)- एसियाली खेलकुद (एसियाड) की रजत पदक विजेता एरिका गरुङलाई ‘हिमालयन वारियर’ उपनाम दिइएको छ। नेपाल कराते महासंघको आइतबार बाराको निजगढमा भएको दोस्रो वार्षिक साधारण सभाले एरिकालाई उपनाम दिएको हो । गत वर्ष चीनमा आयोजना भएको १९ औं एसियाडमा एतिहासिक रजत पदक जितेकी एरिकाले यो वर्ष चीनमै भएको एसियन च्याम्पियन्सिपमा रजत पदक प्राप्त […]
March 19, 2025
काठमाडौं (हाम्रो खेलकुद )- नेपाल ओलम्पिक कमिटी (एनओसी) को सातदोबाटो स्थित कार्यालयमा तालाबन्दी गरिनुलाई ओलम्पिक काउन्सिल अफ एसिया (ओसिए) ले सरकारी हस्तक्षेप भनेको छ । ओसिएका महानिर्देशक हुसैन अल मुसल्लमले मंगलवार एनओसी अध्यक्ष जीवनराम श्रेष्ठलाई लेखेको पत्रमा भनेका छन्, ‘एनओसीको कार्यालय बन्द गरिएको तथा त्यहाँका कर्मचारीहरूलाई काम गर्न नदिइएको सुन्दा म अत्यन्तै आश्चर्यचकित भएको छु। […]