4 months ago
September 17, 2024
काठमाडौं (हाम्रो खेलकुद)- हंगेरीमा जारी ४५ औं चेस ओलम्पियाड खेलमा नेपाली बुद्धिचाल टोलीले भिसा उपलब्ध नभएका कारण सहभागिता जनाउन पाएन । अस्ट्रेलियाबाट हंगेरी पुगेका नेपाली विवेक थिङले भने प्रतियोगितामा भाग लिइरहेका छन्।
नेपाल बुद्धिचाल महासंघले मंगलवार १८ सदस्यीय नेपाली टोलीको पटक पटकको प्रयासपछि भिसा प्राप्त गर्न नसकेको जनाएको छ।
महासंघका महासचिव धरम बहादुर लामाले भिसा प्रक्रियाका बारेमा लामो चर्चा गरेका थिए। ‘ ओलम्पियाड आयोजक राष्ट्र , विश्व बुद्धिचाल महासंघ फिडे र दिल्ली स्थित हंगेरी एम्बेस्सी सँग समन्वय गरि नेपालमा रहेको जर्मनी एम्बेस्सीमा भिसा एप्लाइ गरेका थियौं । जर्मनी एम्बेस्सीले भिसा दिन अस्वीकार गर्यो र पुन: अपील गरेपनि चासो देखाएनन्,’ लामाले भने ।
‘सेप्टेम्बर ११ देखि २४ सम्म सञ्चालन हुने चेस स्पर्धामा विश्वका १ सय ९७ राष्ट्रलाई सहभागी गराइ रेकर्ड राख्ने लक्ष्यमा रहेको हंगेरीको विदेश मन्त्रालयले नेपाली टोलीलाई भारतको दिल्लीमा रहेको आफ्नो दुतावासमा भिसा लिन प्रस्ताव गरे। खेलाडी सहित टोलि रातारात दिल्ली पुगे पनि लामो प्रयासका बाबजुद भिसा दिन नमिल्ने जानकारी गराए’ लामाले पत्रकार सम्मेलनमा जानकारी दिए।
महासंघका अध्यक्ष हेराकाजी महर्जनले महासंघकै पदाधिकारीले खेलाडी फर्कदैनन् भन्ने पत्र जर्मन दुतावासलाई दिएको सुचना प्राप्त भएपनि आफूहरुसँग प्रमाण नभएको बताए । उनले पत्रकारलाई सत्यतथ्य बुझिदिन आग्रह गर्दै आफूहरु पनि त्यसको खोजीमा लाग्ने बताए ।
महासंघले अन्तर्राष्ट्रिय जगतमा देशको नाम उचो पार्ने खेलाडीले भिसा नपाउनु दुःखद भएको जनाउँदै भविष्यमा यस्तो कसैले भोग्नु नपरोस भन्दै युवा तथा खेलकुद मन्त्रालय र राष्ट्रिय खेलकुद परिषद्लाई बुँदागत सुझाव पनि दिएको छ।
January 19, 2025
काठमाडौं (हाम्रो खेलकुद)- नेपाली पुरुष टोली पनि भारतमा भएको खो खो विश्व कपमा दोस्रो भएको छ । दिल्लीस्थित इन्दिरा गान्धी रंगशालामा आइतवार आयोजक भारतसँग ५४-३६ ले पराजित हुँदै नेपाल उप विजेता बनेको हो । समूह चरणमा पनि नेपाल भारतसँग नै पराजित भएको थियो। नेपालले सेमिफाइनलमा शनिवार इरानलाई ७२-२० ले हराउँदै अन्तिम दुईको यात्रा तय गरेको […]
January 18, 2025
काठमाडौं (हाम्रो खेलकुद)- नेपाली पुरुष टोली पनि भारतमा जारी खो खो विश्व कपको फाइनलमा पुगेको छ। दिल्लीस्थित इन्दिरा गान्धी रंगशालामा नेपालले सेमिफाइनलमा शनिवार इरानलाई ७२-२० ले हराउँदै अन्तिम दुईको यात्रा तय गरेको हो। शुक्रवार भएको सेमिफाइनलमा बंगालादेशलाई ६७- १८ ले हराउँदै नेपाल अन्तिम चारमा पुगेको हो। नेपाल समूह उपविजेता बन्दै क्वाटरफाइनलमा पुगेको थियो। समूह ‘ए’मा […]
January 18, 2025
सुकुटे/सिन्धुपाल्चोक (हाम्रो खेलकुद)- नेपाल पुलिस क्लबका कमला पुन र मनिषाको जोडीले सातौं राष्ट्रिय बिच भलिबल प्रतियोगिताको उपाधि जितेको छ। आफ्नै क्लबका पुनम चन्द र कामना विष्टको जोडीलाई शनिवार २-० को सेटमा हराउँदै कमला र मनिषाको जोडी च्याम्पियन बनेको हो । सिन्धुपाल्चोकको चौतारा सागाँ चोकगढी नगरपालिकाको सुकुटेस्थित भोटेकोशी बिच रिसोर्टमा कमला र मनिषाको जोडी २१-१९, २१-१० […]
