2 years ago
July 21, 2023
काठमाडौं (हाम्रो खेलकुद) – चीनको हान्जाउमा हुने १९ औं एसियाली खेलकुद (एसियाड) का लागि स्पाइकर प्रतिभा मालीले राष्ट्रिय महिला भलिबल टोलीमा पूनरागमन गरेकी छिन् । उनीसँगै काभा महिला च्यालेन्ज कपमा टोलीमा नरहेकी जानकी भण्डारी पनि राष्ट्रिय टोलीमा फर्किएकी छिन् ।
काभा च्यालेन्ज कपमा टोलीमा रहेका ४ खेलाडी भने एसियाड टोलीमा परेनन् । जसमा शान्तिकला तामाङ, पुजा चौधरी, रिमा कँुवर र प्रगति नाथ छन् । काभाको दौरान प्रतिभा नियमित फिजियो गराइरहेका कारण टोली थिइनन् । त्यसअघि उनको घँुडाको शल्यक्रिया गरिएको थियो । उनले असार ३० गते सम्म पिएम कप राष्ट्रिय क्लब लिग भलिबलमार्फत खेलमा पूनरागमन गरेकी थिइन् ।
काभामा रहेका १० खेलाडी भने एसियाड टोलीमा छन् । जसमा कप्तान अरुणा शाही, सरस्वती चौधरी, सलिना श्रेष्ठ, सफिया पुन, निरुता ठगुन्ना, उषा भण्डारी, संगम महतो, पुनम चन्द, कामना विष्ट र कविता भट्ट छन् । एसियाडका १२ सहित पुजा चौधरी पनि प्रशिक्षणमा भने सामेल छिन् ।
काभा च्यालेन्ज कपपछि स्वदेश फर्केका राष्ट्रिय भलिबल टोलीका मुख्य प्रशिक्षक यान डे ब्रान्ट नेपाल फर्केर प्रशिक्षणमा जुटिसकेका छन् ।
एसियाडका लागि महिला राष्ट्रिय भलिबल टोली
सेटर – अरुणा शाही र जानकी भण्डारी
मिडल ब्लकर – सफिया पुन, संगम महतो र कविता भट्ट
लिबेरो – सलिना श्रेष्ठ
स्पाइकर – सरस्वती चौधरी, प्रतिभा माली, निरुता ठगुन्ना, उषा भण्डारी, पुनम चन्द र कामना विष्ट
February 10, 2025
काठमाडौं (हाम्रो खेलकुद)- नेपाल गल्फ संघको आयोजनामा फाल्डो जुनियर टुर नेपाल च्याम्पियनसिप मंगलवार सुरु हुने भएको छ। रोयल नेपाल गल्फ क्लबमा ५४-होलको तीन दिने प्रतियोगितामा जुनियर गल्फरहरू विभिन्न तीन उमेर समूहमा प्रतिस्पर्धा गर्ने सोमवार पत्रकार सम्मेलनमा जानकारी दिइयो। ब्वाइज (१७-२१ वर्ष), ब्वाइज (१२-१६ वर्ष), र गल्स (१२-२१ वर्ष) उमेर समुहमा प्रतिस्पर्धा हुनेछ। यो प्रतियोगिता फाल्डो […]
February 9, 2025
काठमाडौं (हाम्रो खेलकुद)- राष्ट्रिय खेलकुद परिषद (राखेप) मा दर्ता राष्ट्रिय संघ मध्ये ३४ संघले राखेप सदस्य सचिवको कार्यकक्षमा भएको तोडफोडको संयुक्त रुपमा विरोध गरेका छन् । नेपाल क्रिकेट संघ (क्यान), अखिल नेपाल फुटबल संघ (एन्फा), नेपाल तेक्वान्दो र नेपाल भलिबल संघसहित ३४ सँघले शनिवार संयुक्त रुपमा प्रेस विज्ञप्ति जारी गर्दै घटनाको भर्त्सना गरेका छन्। ‘वार्ता, […]
February 8, 2025
ललितपुर ( हाम्रो खेलकुद)- पुष्पसदन विद्यालयस्तरीय टेबलटेनिस प्रतियोगीतामा प्राइम ग्लोबल स्कुलले ८ मध्ये ५ इभेन्टमा स्वर्ण पदक जितेको छ। अधिकांश इभेन्ट्समा बाजी मारेको छ । कीर्तिपुरस्थित पुष्पसदन सेकेण्डरी बोर्डिङ स्कुलको आयोजनामा ३ दिन चलेको प्रतियोगितामा प्राईम ग्लोबलले छात्र र छात्रा टिम इभेन्टस, सिनियर छात्र एकल र यु–१३ को इभेन्ट , यु–११ छात्रातर्फको उपाधि जितेको हो […]
