3 years ago
June 23, 2022
काठमाडौं (हाम्रो खेलकुद) – दक्षिण एसियाली खेलकुद (साग) की कीर्तिमानी पौडी खेलाडी गौरिका सिंह र ब्याडमिन्टनका युवा स्टार प्रिन्स दाहालले एनओसी अवार्ड प्राप्त गरेका छन् ।
नेपाल ओलम्पिक कमिटि (एनओसी) ले अन्तर्राष्ट्रिय ओलम्पिक दिवसको अवसरमा प्रदान गरेको अवार्डमा गौरिकाले महिलातर्फ तथा प्रिन्सले पुरुषतर्फ उक्त अवार्ड प्राप्त गरेका हुन् ।
उनीहरुले अवार्डसँगै ५० हजार रुपैया प्राप्त गरेका छन् । उत्कृष्ट प्रशिक्षक महिलामा तेक्वान्दोकी संगिना वैद्य तथा पुरुषमा गल्फका दीपक थापा मगरले अवार्ड हात पारे । तेक्वान्दो संघ उत्कृष्ट संघ ठहरिएको छ ।
यस्तै एनओसीले चार जना खेलकुद पत्रकारलाई एनओसी अवार्ड प्रदान गरेका छन् । कान्तिपुर टेलिभिजनकी सविना कार्कीले एनओसी बेस्ट भिजुअल जर्नालिस्ट अवार्ड प्राप्त गरिन् । यस्तै कान्तिपुर दैनिकका खेल पत्रकार राजु घिसिङले एनओसी बेस्ट प्रिन्ट जर्नालिस्ट अवार्ड प्राप्त गरे ।
बीबीसीका खेल पत्रकार निरन्जन राजवंशीले एनओसी बेस्ट मल्टिमिडिया जर्नालिस्ट अवार्ड प्राप्त गरे । त्यस्तै राजेन्द्र चित्रकारले एनओसी बेस्ट स्पोर्ट्स फोटो जर्नालिस्ट अवार्ड प्राप्त गरे ।
एनओसी प्रेसिडेन्टन रिकगनाइजेसन अवार्डबाट राखेपका पुर्व सदस्यसचिव स्वर्गिय शरदचन्द्र शाह, ओलम्पिक कमिटिका पुर्व अध्यक्ष स्वर्गिय रुक्म शम्शेर राणा, पुर्व युवा तथा खेलकुद मन्त्री पुरुषोत्तम पौडेल, ओलम्पिक कमिटिका मानार्थ अध्यक्ष ध्रुव बहादुर प्रधान, स्पोर्ट्स फर अल कमिसनका अध्यक्ष विष्णु गोपाल श्रेष्ठ, सिनियर खेल पत्रकार श्याम चित्रकार, एनओसीका सल्लाहकार लोक भक्त राणा, नेपालको पहिलो अन्तर्राष्ट्रिय पदक विजेता तथा ओलम्पियन जित बहादुर केसी, दक्षिण एसियाली खेलकुद (साग) कीर्तिमानी खेलाडी बैकुण्ठ मानन्धर, पहिलो महिला ब्ल्याक बेल्टधारी सुधा सेन मल्ल र महिला राष्ट्रिय टोलीका सर्वाधिक गोलकर्ता सावित्रा भण्डारी सम्मानित भएका छन् ।
अवार्ड विजेतालाई युवा तथा खेलकुद मन्त्री महेश्वर जंग गहतराज, राष्ट्रिय खेलकुद परिषद (राखेप) का सदस्यसचिव टंकलाल घिसिङ, ओलम्पिक कमिटिका अध्यक्ष जीवनराम श्रेष्ठ, एनओसीका निर्देशक चतुरानन्द राजवैद्य, महासचिव निलेन्द्रराज श्रेष्ठ लगायतले अवार्ड प्रदान गरे ।
एनओसीले पहिलोपटक ओलम्पिक दिवसको अवसर पारेर अवार्डको आयोजना गरेको हो । यस्तै एनओसीले दराज अनलाइन, केल्मी नेपाल र शिखर इन्स्योरेन्सलाई पनि सम्मानित गरेको छ ।
February 5, 2025
पोखरा (हाम्रो खेलकुद)- सुदूरपश्चिम विश्वविद्यालयका मुकेश विष्ट र त्रिभुवन विश्वविद्यालय (टियु) की विना थारुले दोश्रो विश्वविद्यालय खेलकुद महोत्सवको एथलेटिक्सको १ सय मिटर दौडमा बुधबार स्वर्ण जितेका छन् । मुकेश पुरुष तथा विना महिलामा पहिलो भए । पोखरा रंगशालामा बुधवार मुकेशले निर्धारित दूरी ११.२२ सेकेन्डमा पूरा गरे । ११.६५ सेकेन्ड समयमा काठमाडौं विश््रवविद्यालयका विकासकुमार शाह दोश्रो […]
January 31, 2025
काठमाडौं (हाम्रो खेलकुद)- नेपाल ओलम्पिक कमिटी (एनओसी) को सातदोबाटो स्थित कार्यालयमा प्रवेशमा नेपाल प्रहरी शुक्रवार रोक लगाएको छ। प्रहरीले प्रवेशमा रोक लगाएको एनओसीका कार्यकारी सचिव सुजन लाल श्रेष्ठले बताए । युवा तथा खेलकुद मन्त्रालयको निर्देशनपछि प्रहरी बृत सातदोबाटो खटिएको प्रहरीबाट जानकारी प्राप्त भएको पनि श्रेष्ठले बताए । एनओसीले आज २ बजेका लागि राष्ट्रिय खेलकुद संघको […]
January 19, 2025
काठमाडौं (हाम्रो खेलकुद)- नेपाली पुरुष टोली पनि भारतमा भएको खो खो विश्व कपमा दोस्रो भएको छ । दिल्लीस्थित इन्दिरा गान्धी रंगशालामा आइतवार आयोजक भारतसँग ५४-३६ ले पराजित हुँदै नेपाल उप विजेता बनेको हो । समूह चरणमा पनि नेपाल भारतसँग नै पराजित भएको थियो। नेपालले सेमिफाइनलमा शनिवार इरानलाई ७२-२० ले हराउँदै अन्तिम दुईको यात्रा तय गरेको […]
